کراچی (جیوڈیسک) اداکار حنیف راجہ نے کہا ہے کہ مجھے کیرئیر کے آغاز میں بہت سی مشکلوں کا سامنا تھا مگر عوام کی محبتوں نے مجھے ہمیشہ حوصلہ بخشا اور پاکستانی عوام نے مجھ پر اعتماد کیا میرے کیرئیر میں پی ٹی وی کے پرواگرام کیسا نے بہت اہم کردار ادا کیا۔
حنیف راجہ نے کہا کہ معین اخترمرحوم کے ساتھ گزرے ہوئے لمحات بہت یادآتے ہیں کراچی اسٹیج کے لیے جتنا بھی کام کیا یہ سوچ کرکیا کہ ہم شہرکی روشنیاں بحال کررہے ہیں۔ حنیف راجہ کا کہنا تھا کہ ہمارے فنکاروں نے اپنے کام سے دنیا بھرمیں خود کو منوایا ہے کراچی کے فنکاروں کو تھیٹر کے لیے متحد ہونے کی ضرورت ہے۔
