شہید کربلا حضرت امام حسین علیہ السلام کی یاد میں آستانہ عالیہ غوثیہ فضلیہ کھپیڑانوالہ شریف میں ایک عظیم الشان محفل نعت منعقد ہوئی
گجرات ( جی پی آئی ) شہید کربلا حضرت امام حسین علیہ السلام کی یاد میں آستانہ عالیہ غوثیہ فضلیہ کھپیڑانوالہ شریف میں ایک عظیم الشان محفل نعت منعقد ہوئی یہ محفل نعت پیر طریقت رہبر شریعت صاحبزادہ پیر سید محمود الحسن شاہ بخاری قادری الحسینی والحسنی کی زیر صدارت اور معروف نعت گو شاعر صاحبزادہ پیر سید رخسار الحسن شاہ بخاری قادری الحسینی و الحسنی کی زیر سرپرستی منعقد ہوئی ‘ محفل نعت کو ARY-QTVکے تعاون سے براہ راست پوری دنیا میں دکھایا گیا ‘ محفل نعت کی نقابت شہنشاہ نقابت افتخار رضوی وقاری محمد یونس نے کی ‘ تلاوت قرآن پاک نجم القراء اساتذہ القراء سید صداقت علی شاہ و قاری محمد آصف نے کی ‘ جبکہ عالمی شہرت یافتہ ثناء خواں شہباز قمر آفریدی ‘ سید زبیب مسعود ‘ ذوالفقار حسینی ‘ الحاج سرور حسین ‘ شہزاد تحسین مدنی ‘ قاری شفقت اللہ قادری ‘ اعجاز شکر گڑھی ‘ اکمل دریائی اور عمران سلطانی نے ہدیہ نعت و منقبت حضرت امام حسین علیہ السلام پڑھی ‘ جس کے بعد صاحبزادہ پیر سید محمود الحسن شاہ بخاری قادری الحسینی والحسنی نے خصوصی خطاب فرمایا ۔ خطاب کے بعد قرعہ اندازی کی گی ‘ صاحبزادہ پیر سید کرنل مسعود الحسن شاہ ‘ صاحبزادہ پیر سید رخسار الحسن شاہ اور صاحبزادہ سید مدثر مختار نے قرعہ اندازی کی جس میں محمد جنید شہباز اور راجہ نوید اختر نے عمرہ کے ٹکٹ نکلے جبکہ صاحبزادہ پیر سید محمود الحسن شاہ بخاری قادری لحسینی و الحسنی نے درویش صفت مرید و خادم محمد اسحاق آف سیالکوٹ کو اپنی طرف سے بغیرقرعہ اندازی عمرہ کا ٹکٹ دیا ‘ محفل نعت میں اندرون و بیرون ممالک سے ہزاروں پیر بھائیوں ‘ مریدوں اور عقیدت مندوں نے شرکت کی ‘ چھ گھنٹے جاری رہنے والی محفل نعت کو پوری دنیا میں دیکھا گیا ‘ محفل نعت کے آخر میں درودو سلام کے بعد صاحبزادہ پیر سید محمود الحسن شاہ بخاری قادری الحسینی والحسنی نے حضرت امام حسین علیہ السلام ‘ شہیداں کربلا حضرت پیر شہنشاہ فضل رحمتہ اللہ و اہلیہ محترمہ شہنشاہ فضل کے درجات کی بلندی کیلئے اور امت محمدیہ صلی اللہ علیہ وآلہ وسلم کیلئے خصوصی دعائیں کیں ۔ دعا کے بعد محفل پاک میں شریک تمام افراد کولنگر شریف بھی دیا گیا’ اس موقع پر پولیس اور دربار شریف کی انتظامیہ نے سکیورٹی کے فول پروف انتظامات کئے ہوئے تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چیف ایڈیٹر جی پی آئی ڈاکٹر رزاق احمد غفاری ‘ ممتاز تاجر رہنما محمد نواز صدیقی آف کنجاہ کی خوش دامن
گجرات ( جی پی آئی ) چیف ایڈیٹر جی پی آئی ڈاکٹر رزاق احمد غفاری ‘ ممتاز تاجر رہنما محمد نواز صدیقی آف کنجاہ کی خوش دامن ‘ محمودالحق اور ریاض الحق آف کراچی کی والدہ محترمہ کراچی میں رضائے الٰہی سے انتقال کر گئیں ۔ مرحومہ کو سینکڑوں سوگواروں کی موجودگی میں کراچی میں سپرد خاک کر دیا گیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہفت روز کامرانیاں کنجاہ کے زیر اہتمام دس اہم شخصیات کو اُن کی علمی ادبی اور صحافتی خدمات کے اعتراف گجرات ( جی پی آئی ) ہفت روز کامرانیاں کنجاہ کے زیر اہتمام دس اہم شخصیات کو اُن کی علمی ادبی اور صحافتی خدمات کے اعتراف میں شریف کنجاہ ایوارڈ 2014ء دیا جائے گا ۔ یہ تقریب 14نومبر بروز جمعتہ المبارک تین سہ پہر سکائی وے ماڈل ہائی سکول کنجاہ میں منعقد ہوگی ۔ جس کی صدارت ملک کے معروف شاعر ادب ‘ افسانہ نگار ‘ ناول نگار پروفیسر زہیر کنجاہی آف راولپنڈی کرینگے ۔ مہمان خصوصی میر صلاح الدین صدر مسلم لیگ ن کنجاہ اور مہمان اعزاز سیٹھ قمر خورشید صراف آف کنجاہ ہونگے ۔ آرگنائزر میں احسان فیصل کنجاہی ‘ سجادہ رحمانی ‘ یاور عباس ‘ راجہ محمد سلیم شامل ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بین الاقوامی تنظیم اے پی ایف یو ٹی یو اور BLLFپاکستان کے زیر اہتمام 11نومبر بروز جمعتہ المبارک
گجرات ( جی پی آئی ) بین الاقوامی تنظیم اے پی ایف یو ٹی یو اور BLLFپاکستان کے زیر اہتمام 11نومبر بروز جمعتہ المبارک دن 11بجے دیوان خاص میرج ہال گجرات میں چائلڈ لیبر اور بانڈڈ لیبر کے خلاف سیمینار منعقد ہوگا ۔ جس کے مہمان خصوصی ڈی سی او گجرات لیاقت علی چٹھہ ہونگے ‘ اس سیمینار میں اعلیٰ سرکاری و غیر سرکاری شخصیات کی کثیر تعداد شریک ہوگی ۔ اس سلسلہ میں پیر زاد امتیاز سید نے دعوت نامے جاری کر دیئے ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز کاروباری شخصیت مہر مشتاق احمد سابق نائب ناظم نے چیف ایڈیٹر جی پی آئی ڈاکٹر رزاق احمد غفاری تاجر رہنما محمد نواز صدیقی
گجرات ( جی پی آئی )ممتاز کاروباری شخصیت مہر مشتاق احمد سابق نائب ناظم نے چیف ایڈیٹر جی پی آئی ڈاکٹر رزاق احمد غفاری تاجر رہنما محمد نواز صدیقی کی خوشد امن کی وفات پر گہرے رنج و غم کا اظہار کیا ہے اور دعا کی کہ اللہ تعالیٰ مرحومہ کو جنت الفردوس میں اعلیٰ جگہ عطا فرمائے ۔ اور لواحقین کو صبر جمیل عطا فرمائے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بزرگان ڈھینڈہ شریف کا 34واں سالانہ عرس مبارک و عظیم الشان تذکرہ اہلبیت آستانہ عالیہ غوث زمان ڈھینڈہ شریف میں منعقد ہوا
گجرات ( جی پی آئی ) بزرگان ڈھینڈہ شریف کا 34واں سالانہ عرس مبارک و عظیم الشان تذکرہ اہلبیت آستانہ عالیہ غوث زمان ڈھینڈہ شریف میں منعقد ہوا ‘ جس کی صدارت سجادہ نشین آستانہ عالیہ غوث زمان ڈھینڈہ شریف پیر سید زاہد حسین شاہ ترمذی نے کی ۔ جبکہ مہمان خصوصی پیر طریقت رہبر شریعت صاحبزادہ پیر سید منور حسین شاہ جماعتی سجادہ نشین آستانہ عالیہ علی پور سیداں شریف تھے ۔ یہ تقریبات زیر سرپرستی پیر سید عمر علی شاہ آستانہ عالیہ سرہالی شریف ‘ زیر قیادت پیر سید انتصار الحسن شاہ سروری قادری سجادہ نشین آستانہ عالیہ غوث یگانہ چھالے شریف منعقد ہوئی خصوصی آمد پیر سید نور حسین شاہ اور صاحبزادہ پیر رضوان منصور اوانی تھی خصوصی خطاب سرپرستی اعلیٰ مرکزی جماعت اہل سنت پاکستان پیر سید محمد عرفان شاہ مشہدی ‘ پروفیسر محمد شبیر انجم اور مولانا عبدالحمید چشتی نے کیا ۔ تلاوت قرآن پاک کا شرف قاری محمد محسن رضا سروری قادری نے حاصل کیا ۔ نعت رسول مقبول صلی اللہ علیہ وآلہ وسلم محمد شہزادتحسین مدنی اسلام آباد ‘ غلام مصطفی رضا سیالوی فیصل آباد ‘ ساجد علی چشتی ‘ عابد روف قادری لاہور ‘ سید علم دار شاہ ‘ سید عمران افگن نے حاصل کیا ۔ نقابت کے فرائض قاری عابد حیال لاہور نے سر انجام دیئے ۔ مہمان گرامی میں سید آل احمد شاہ ‘ پیر سید طفیل حسین شاہ بخاری ‘ پیر سید الحسنین ظہور شاہ ودیگر شامل تھے ۔ انتظامات کی نگرانی صاحبزادہ سید حافظ صباحت الحسن شاہ ترمذی نے سرانجام دیئے ۔ اس موقع پر ملک بھر سے علماء اکرام مشائخ عظائم و عقیدت مندوں نے شرکت کی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حکمرانوں کی نااہلی سے بدترین لاء اینڈ آرڈر پر اقلیتوں سمیت ہر پاکستانی خوفزدہ ہے: چودھری پرویزالٰہی گجرات ( جی پی آئی )پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ حکمرانوں کی نااہلی کے باعث لاء اینڈ آرڈر کی بدترین صورتحال پر اقلیتوں سمیت ہر پاکستانی خوفزدہ ہے جبکہ پنجاب میں ہماری حکومت کے دوران ہر قسم کے جرائم میں نمایاں کمی ہونے کے علاوہ اقلیتوں کو مکمل تحفظ حاصل تھا۔ وہ یہاں اپنی رہائش گاہ پر ملاقات کیلئے آنے والے پاکستان مسلم لیگ اور اقلیتی ونگ کے کارکنوں سے گفتگو کر رہے تھے۔ انہوں نے کہا کہ پنجاب میں ہماری حکومت کے 5 سال میں ہر پاکستانی کے جان و مال کی حفاظت کیلئے باقاعدہ پالیسی بنائی گئی اور اس پر عمل کیا گیا، اقلیتوں کو شرپسندوں سے محفوظ رکھنے کیلئے بھی مؤثر اقدامات کیے گئے۔ انہوں نے کہا کہ اسلام اور آئین و قانون میں Mob Justice کا کوئی تصور نہیں یعنی کسی ملزم کے مجرم ہونے اور اسے سزا دینے کا فیصلہ لوگوں کا کوئی جتھہ نہیں کر سکتا اور نہ ہی یہ کسی مسئلہ کا حل ہے، اسلام میں مذہب اور رنگ و نسل کے امتیاز کے بغیر ہر شہری کو مکمل تحفظ فراہم کرنا حکومت کا فرض ہے اور کسی بھی ملزم پر عدلیہ کے ذریعے سزا دینے کا باقاعدہ ایک نظام ہے۔ اقلیتی وفد اور کارکنوں نے چودھری پرویزالٰہی کی اس بات کی پرزور تائید کی کہ سرکاری اعداد و شمار کے مطابق شہبازشریف کے دور میں ہماری حکومت کی نسبت ہر قسم کے جرائم میں کئی گنا اضافہ ہو چکا ہے اور ہر شہری باالخصوص اقلیتیں خود کو غیر محفوظ تصور کرتی ہیں جبکہ 2002-07 کے ہمارے دور میں پولیس پٹرولنگ پوسٹوں کے قیام اور پولیس کو جدیدترین سہولیات کی فراہمی کے علاوہ تنخواہوں میں اضافہ کے ساتھ ساتھ نگرانی کے مستند نظام کے باعث شاہراہوں، دیہی سڑکوں، شہروں اور دیہات میں سنگین وارداتوں سمیت ہر قسم کے جرائم 60 فیصد تک کم ہو گئے تھے لیکن آج کسی بھی شہر یا گائوں میں کوئی گھرانہ ایسا نہیں ہے جس کا کوئی نہ کوئی فرد ڈکیتی، چوری اور راہزنی کا شکار نہ ہوا ہو۔ انہوں نے کہا کہ حکمران جھوٹے وعدوں اور اشتہارات سے کسی کو گمراہ نہیں کر سکتے کیونکہ عوام کو پریشان کن صورتحال کا سامنا ہے۔
