اسلام آباد (جیوڈیسک) سپریم کورٹ نے کوٹ رادھا کشن واقعہ پر حکومتی اداروں سے جواب طلب کر لیا، عدالت کا کہنا ہے کہ پشاور چرچ حملے میں اقلیتوں کے تحفظ کا واضح حکم دے چکے ہیں، بتایا جائے عدالتی فیصلے پر ابھی تک عملدرآمد کیوں نہیں ہوا۔
عدالت عظمیٰ نے وزارت مذہبی امور، وزارت بین المذاہب ہم آہنگی اور اسٹیبلشمنٹ ڈویژن کو کوٹ رادھا کشن واقعے کے تناظر میں اقلیتوں کو تحفظ دینے کے حکم پر عمل درآمد نہ ہونے پر جواب جمع کرانے کی ہدایت کی ہے۔
سپریم کورٹ نے کہا ہے کہ پشاور چرچ حملے میں اقلیتوں کے تحفظ کا واضح حکم دے چکے ہیں، بتایا جائے عدالتی فیصلے پر ابھی تک عملدرآمد کیوں نہیں ہوا۔
ذرائع کے مطابق اس ضمن میں انیس جون کے عدالتی فیصلے کی نقول اگلے ہی روز متعلقہ اداروں کو ارسال کر دی گئی تھیں۔ اس فیصلے میں عدالت نے اقلیتوں کے تحفظ کیلئے متعدد اقدامات تجویز کئے تھے۔
