رائے ونڈ (جیوڈیسک) پلیٹ فارم نمبر 3 پر کھڑی ٹرین میں اچانک آگ بھڑک اٹھی جس کے نتیجے میں 2 بوگیاں مکمل طور پر تباہ ہو گئیں۔
خصوصی ٹرین تبلیغی اجتماع میں شرکت کے لئے آنے والوں کو لے کر رائے ونڈ پہنچی تھی اور اسے پلیٹ فام نمبر 3 پر کھڑا کیا گیا کہ اس کی 4 بوگیوں میں اچانک آگ بھڑک اٹھی جس کے نتیجے میں 2 بوگیاں مکمل طور پر تباہ ہو گئیں تاہم تمام مسافر محفوظ رہے۔ ریسکیو 1122 اور فائر بریگیڈ کا عملہ آگ پر قابو پانے کی کوشش کر رہا ہے۔ ریلوے حکام کا کہنا ہے کہ ٹرین کی بوگیوں میں آگ لگنے کی وجہ معلوم نہیں ہو سکی ہے تاہم واقعے کی تحقیقات کا آغاز کر دیا گیا ہے۔
واضح رہے کہ چند روز قبل بھی لاہور سے کراچی جانے والی شالیمار ایکسپریس میں پڈ عیدن کے مقام پر شارٹ سرکٹ کے باعث آگ لگ گئی تھی۔
