کراچی (جیوڈیسک) کہ بھارتی سرحد کے ساتھ چینی فوجی پاک فوج کے جوانوں کی تربیت کر رہے ہیں۔ بھارتی سیکورٹی ایجنسیوں کا کہنا ہے کہ چینی فوج مقبوضہ جموں کشمیر کی پاک بھارت سرحد پر پاکستان آرمی کے اہلکاروں کی تربیت کر رہے ہیں۔
بی ایس ایف انٹیلی جنس ونگ کی طرف سے پیش ایک رپورٹ کے مطابق چینی فوج بین الاقوامی سرحد کے راجوری سیکٹر میں پاک فوج کے جوانوں کوہتھیار ہینڈلنگ کی تکنیک کی تربیت دیتے دیکھا گیا ہے۔رپورٹ میں کہا گیا کہ عموما ًسرحد کی حفاظت پر مامورپاک رینجرز اہلکار تعینات ہوتے ہیں۔
مگرسری نگر سیکٹر میں پیرا ملٹری پوسٹس پررینجرز کی جگہ پاک فوج نے پوزیشن سنبھال لی ہیں اور حال ہی میںپنجاب کے ابوہار اور گرداسپور سیکٹرز میں پاکستان نے نئے آبزرویشن ٹاورز نصب کردیئے ہیں۔
رپورٹ میں کہا گیا کہ پاک فوج اوررینجرز اسٹریٹجک مقامات اور پوسٹوں پراسنیپرز اور شارپ شوٹر کی تعیناتی کی منصوبہ بندی کر رہی ہے۔ بی ایس ایف کی رپورٹ میں کہا گیا کہ بین الاقوامی سرحد اور لائن آف کنٹرول کی مخصوص پوسٹوں پر پاک فوج کے کمانڈوز کے اسپیشل اسکواڈ تعینات کر دیے گئے ہیں۔
