امریکا (جیوڈیسک) امریکا کی کئی ریاستیں شدید برفباری کی لپیٹ میں ہیں امریکی ریاست ایڈاہو میں برفباری کا انیس سو سنتالیس کا ریکارڈ ٹوٹ چکا ہے اس وقت علاقے میں تین اعشاریہ تین انچ سے زائد برف پڑ چکی ہے۔
سڑکوں پر برف کی موٹی تہہ جم جانے کے باعث ٹریفک کا نظام بری طرح متاثر ہو چکا ہے حکام کی جانب سے ڈرائیوروں کو سڑکوں پر گاڑیاں لانے سے منع کیا جا رہا ہے۔
ایڈاہو کے مختلف علاقوں میں برفباری کا سلسلہ ابھی تک جاری ہے جبکہ برفباری کے باعث درجہ حرارت نقطہ انجماد سے گرنے کے بعد لوگوں کو شدید مشکلات کا سامنا ہے۔
