ملتان (جیوڈیسک) پولیس کانسٹیبلز کی بھرتیوں کے لئے ملتان میں آج چوتھے روز بھی امیدواروں میں دوڑ کے مقابلے جاری ہیں۔
ملتان کرکٹ اسٹیڈیم میں آج چوتھے روز بھی 680 امیدوار میدان میں ہیں جو ایک میل کا فاصلہ ٹریک پر دو راونڈ لگا کر 5 منٹ میں طے کریں گے۔
ملتان پولیس کے لئے 2 سو 50 نئے کانسٹیبلز کی بھرتیوں کے لئے 54 سو سے زائد مرد و خواتین امیدوار جسمانی فٹنس کے ٹیسٹ میں حصئہ لے رہے ہیں 17 نومبر سے شروع ہونے والی ریس کا مقابلہ 24 نومبر تک جاری رہے گا۔
