نیو یارک (جیوڈیسک) شدید برفباری سے امریکا کی پچاس ریاستوں میں درجہ حرارت نقطہ انجماد سے گر گیا ہے۔ ریاست نیو یارک کے شہر بفلو کے کئی حصوں میں پانچ فٹ تک برف پڑ چکی ہے۔ نیو یارک میں کار حادثے میں پانچ جبکہ مختلف حصوں میں حادثات میں چار افراد کے ہلاک ہونے کی اطلاعات ہیں۔
ادھر مشی گن اور نیو ہمپشائر سے بھی ہلاکتوں کی اطلاعات موصول ہوئی ہیں۔ ملک کے کئی حصوں میں ریل سروس بھی معطل ہو گئی ہے۔ شدید برفباری کی وجہ سے سکولوں کو بند کر دیا گیا ہے۔
نیو یارک کے گورنر نے سڑکوں سے برف ہٹانے اور لوگوں کی مدد کے لئے نیشنل گارڈ کے اہلکاروں کو طلب کر لیا ہے۔ محکمہ موسمیات کے مطابق نومبر میں برفباری نے ریکارڈ قائم کر دیا ہے۔
