تیز رفتار موٹر سائیکل کی ٹکر سے موٹر سائیکل سوار دو افراد جاں بحق، ظفر عرف جگوٹھا اور عاصم نشے کی حالت
مصطفی آباد/للیانی(نامہ نگار)تیز رفتار موٹر سائیکل کی ٹکر سے موٹر سائیکل سوار دو افراد جاں بحق،ظفر عرف جگوٹھا اور عاصم نشے کی حالت میں ون ویلنگ کر رہے تھے کہ سہیل اور سعید کو ٹکر مار دی، تفصیلات کے مطابق محمد سہیل اور محمد سعید موٹر سائیکل پر سوار ہیگل سے قصور کی طرف جا رہے تھے کہ پنواں پل کے قریب نشے کی حالت میں انتہائی تیز رفتاری سے موٹر سائیکل پر ون ویلنگ کرنے والے ظفر عرف جگوٹھا اور عاصم نے ٹکر مار دی جسے سے محمد سہیل اور محمد سعیدشدید زخمی ہو گئے جنہیں زخمی حالت میں جزل ہسپتال لاہور ریفر کر دیا گیا جہاں وہ زخموں کی تاب نہ لاتے ہوئے جاں بحق ہو گئے، پولیس تھانہ مصطفی آباد نے مقدمہ درج کرکے ملزمان کی تلاش شروع کر دی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ )پاکستان مسلم لیگ ن کی حکومت تعمیر وترقی کامشن لیکر آئی ہے
مصطفی آباد/للیانی(نامہ نگار)پاکستان مسلم لیگ ن کی حکومت تعمیر وترقی کامشن لیکر آئی ہے اور ہمارے قائد میاں وزیر اعظم نواز شریف کے دور میں ہمیشہ ریکارڈ ترقی ہوئی ہے ایک مخصوص ٹولہ سازشوں پر اتر آیا ہے اور وہ عوام کو خوش نہیں دیکھنا چاہتے مگر ملک میں انقلاب لانے کے جھوٹے دعوے داروں کے جمہوریت دشمن عزائم کبھی پورے نہیںہوں گے ،نیا پاکستان بنانے کی بڑھکیں لگانے والے جان لیں ن لیگ اگلے چار سال میںقائد اعظم کے پاکستان کی تعمیرکا کام مکمل کرکے امن ترقی و خوشحالی کا وعدہ پورا کرے گی۔ان خیالات کا اظہار نائب صدر پاکستان مسلم لیگ ن قصور ملک خرم نصراللہ خاں نے اپنے ایک بیان میں کیا۔ انہوں نے مزید کہا کہ دھرنوں اوربلاجواز جلسوں کی سیاست نے ملک وقوم کوناقابل تلافی نقصان پہنچادیا گزشتہ الیکشن میں پاکستان کے عوام نے بھاری اکثریت سے مسلم لیگ ن کوکامیاب کرایاجس کے نتیجے میں میاں نوازشریف وزیراعظم اورمیاں شہبازشریف نے وزیراعلیٰ پنجاب کامنصب سنبھالاجبکہ دیگرصوبوں میں دیگرجماعتوں کے وزیراعلیٰ منتخب ہوئے جس کومسلم لیگ ن نے قبول کیا۔ اقتدار سنبھالتے ہی مسلم لیگ ن کی حکومت نے عوام کوبے روزگاری، بدامنی، دہشت گردی،لاقانونیت اوربجلی گیس کی لوڈشیڈنگ سے نجات دلانے کیلئے دن رات کام شروع کردیاجس سے عوام کی زندگی میں خوشحالی آناشروع ہوگئی مگرترقی اور خوشحالی کایہ سفرملک وقوم کے دشمنوں کواچھانہ لگااورانہوں نے پاکستان میں دھرنوں،احتجاج کی سیاست شروع کرادی جس کے نتیجے میں ملک میں ترقی اورخوشحالی کاسفررک گیاہے اورابتک ملک کواربوں روپے کانقصان پہنچ چکاہے۔انہوں نے کہاکہ دھرنوں کے ذریعے اپنے مذموم مقاصدحاصل کرنے میں ناکام رہنے والے عناصرنے اب جلسوں کے ذریعے ملک میں انتشارپھیلاناشروع کردیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بینک الفلاح کے مینجر نے ڈیپازٹس بڑھانے کا انوکھا طریقہ ڈھونڈ لیا۔ چھوٹے بینکوں کے بارے میں کاروباری حلقو ں میں ڈیفالٹر ہونے کا شوشہ چھوڑ دیا۔ کئی افراد ہسپتال پہنچ گئے
مصطفی آباد/للیانی(نامہ نگار) بینک الفلاح کے مینجر نے ڈیپازٹس بڑھانے کا انوکھا طریقہ ڈھونڈ لیا۔ چھوٹے بینکوں کے بارے میں کاروباری حلقو ں میں ڈیفالٹر ہونے کا شوشہ چھوڑ دیا۔ کئی افراد ہسپتال پہنچ گئے۔ مصطفی آباد و قصور کے تجارتی و کاروباری حلقوں کے مطابق بینک الفلاح قصور برانچ کے مینجر نے پچھلے تین دن سے چھوٹے بینکوں کے کھاتہ داروں کو یہ کہنا شروع کر رکھا ہے کہ چھوٹے بینک بہت جلدکے ۔ اے۔ ایس۔بی بینک کی طرح ڈیفالٹر ہو رہے ہیں آپ کا سرمایا ڈوب جائے گا۔لہٰذا جتنی جلد ی ہوسکے اپنا روپیہ ان بینکوں سے اٹھا کر بینک الفلاح میں ڈال دیں ۔یہاں آپ کا سرمایا محفوظ ہو جائے گا۔جس پر بیشتر تاجروں نے پریشانی کے عالم میں ان بینکوں سے اپنا روپیہ نکلوانا شروع کر دیا ہے ۔جب اس سلسلہ میں سٹیٹ بینک آف پاکستان کے ترجمان سے رابطہ کیا گیا تو انہوں نے کہا کہ ملک کا بینکاری کا شعبہ مستحکم اور مضبوط ہے تمام بینک معمول کے مطابق کام کر رہے ہیں اور اپنے صارفین کو خدمات فراہم کرتے رہیں گے۔ترجمان نے بتایا کہ اگر کوئی کسی دوسرے بینک کے بارے میں ڈس انفارمیشن پھیلا رہا ہے تو اس بارے میں مکمل انکوائری کی جائے گی اور قانون کے مطابق اس کے خلاف کاروائی کی جائے گی۔صارفین نے غلط بیانی کرنے والی بنک منیجر کے خلاف فوری انکواری کرکے سخت کاروائی کا مطالبہ کیا ہے۔
