دھرنوں سے دھاندلی حکومت کے پائوں ہل گئے، مڈٹرم نہیں ری الیکشن ہونگے: چودھری پرویزالٰہی گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ دھرنوں سے دھاندلی حکومت کے پائوں ہل گئے ہیں، ملک میں مڈٹرم نہیں ری الیکشن ہونگے، ہم نے پنجاب کو خوشحال بنایا اور شہبازشریف نے جس طرح برباد کیا اس پر کل ہفتہ کو بہاولپور میں عوام کے سمندر میں تفصیلات بتائوں گا۔ شہبازشریف کو کارکردگی کے حوالے سے ایک بار پھر چیلنج کرتے ہوئے انہوں نے کہا کہ شہبازشریف میرا چیلنج قبول کریں، صرف جعلی پولیس مقابلے اور بیگناہوں کا قتل عام کرانے میں ان کی کارکردگی بہتر ہے۔ وہ بہاولپور پہنچنے کے بعد طارق بشیر چیمہ ایم این اے، محمد بشارت راجہ، چودھری ظہیر الدین، ڈاکٹر محمد افضل ایم پی اے، چودھری احسان الحق، چودھری احمد نواز، چودھری عالمگیر اور چودھری طارق گجر کے ہمراہ چودھری خالد گجر کی رہائش گاہ پر پریس کانفرنس سے خطاب کر رہے تھے۔ انہوں نے کہا کہ دھاندلی کی حکومت تو بن سکتی ہے چل نہیں سکتی، آج پورے ملک میں گونوازگو کی آواز گونج رہی ہے، یہاں سے گوشہبازگو کی آواز بھی اٹھے گی، پاکستان مسلم لیگ چاروں صوبوں کے عوام باالخصوص سرسبز چولستان اور تھر کیلئے کالاباغ ڈیم کے حق میں آواز بلند کر رہی ہے، اس ڈیم سے خیبرپختونخواہ اور سندھ کو پنجاب سے بھی زیادہ فائدہ پہنچے گا، یہ پورے پاکستان کی خوشحالی، سستی بجلی، وافر پانی کا ضامن اور غریبوں کی امید ہے، اسے بنائیں ضرور چاہے اس کا نام پاکستان ڈیم رکھ لیں۔ انہوں نے کہا کہ ہمیں جنوبی پنجاب سے محبت ہے اس لیے اپنے جلسوں کا آغاز بہاولپور سے کر رہے ہیں، پسماندہ علاقوں کا احساس محرومی ختم کرنے کیلئے ہی ہم نے سب سے پہلے الگ صوبوں کا معاملہ اٹھایا اور آواز بلند کی۔ انہوں نے کہا کہ چار بار پہلے میں شہبازشریف کو چیلنج کر چکا ہوں کہ وہ اپنے دس سال اور میرے پانچ سال کا موازنہ کر لیں، جنوبی پنجاب کو میں نے ہر چیز میں اوّلیت دی مگر شہبازشریف نے جنوبی پنجاب کے عوام کے احساس محرومی میں اضافہ کیا، کڈنی سنٹر، کارڈیک سنٹر میری حکومت کے دور میں بنے، ماڈل ٹائون سانحہ ن لیگ کی سیاست پر سیاہ دھبے کے طور پر ہمیشہ یاد رکھا جائے گا۔ ایک سوال کے جواب میں انہوں نے کہا کہ میں مڈٹرم نہیں ری الیکشن جلد دیکھ رہا ہوں، غیر ملکی کمپنیوں کے ساتھ ان کے معاہدے صرف دیہاڑیاں لگانے کیلئے ہیں، چیف منسٹر ہائوس کی الماریاں ایم او یوز سے بھری پڑی ہیں۔ ایک اور سوال پر انہوں نے کہا کہ عمران خان کا آئی ایس آئی، ایم آئی کو تحقیقاتی کمیشن میں شامل کرنے کا مطالبہ بالکل ٹھیک ہے، شہبازشریف نے بھی سانحہ ماڈل ٹائون کی تحقیقات میں انہیں شامل کیا تھا، مگر مشترکہ تحقیقات اور عدالتی کمیشن کی رپورٹس انکے خلاف آئیں تو انہیں دبا لیا گیا۔ چودھری پرویزالٰہی نے کہا کہ ہم نے ہمیشہ صحافیوں کو اہمیت دی، انہیں پریس کلب کیلئے جگہ دی اور صحافی کالونیاں بنائیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات شہر سمیت گردونواح میں غیر قانونی کیبل یٹ ورک چلانے پر محکمہ پیمرا کے انسپکٹر کے چھاپے بغیر لائسنس کے کام
گجرات(جی پی آئی) گجرات شہر سمیت گردونواح میں غیر قانونی کیبل یٹ ورک چلانے پر محکمہ پیمرا کے انسپکٹر کے چھاپے بغیر لائسنس کے کام کرنے پر مالکان کے خلاف مقدمات درجہ کروا دیئے ‘ تفصیلات کے مطابق محکمہ پیمرا کو شکایات موصول ہوئی کہ سن سٹار کیبل کے مالکان گجرات سے سینکڑوں کلو میٹر دور دراز کے علاقوں میں بغیر لائسنس کے کام کر رہے ہیں اور ہزاروں کنکشن بھی دے رکھے ہیں ‘ جس پر محکمہ پیمرا کے انسپکٹر محمد اقبال نے سن سٹار کیبل کے مالکان کے خلاف ایف آر درجہ کروا دی ہے ‘ اور مقامی پولیس نے ریڈ کر کے 3افراد کو گرفتار کر لیا ہے ‘ جبکہ شہزاد منیر تا حال گرفتار نہ ہوسکا ‘ پیمرا کے انسپکٹر نے کہا ہے کہ بغیر الائسنس کے کوئی بھی کیبل کا کاروبار نہیں کر سکتا اور عوام کو بھی چاہیے کہ ایسے لوگوں سے کنکشن نہ لیں جو کہ الائسنس کے بغیر کام کر رہے ہوں انہوں نے مزید کہا کہ ضلع گجرات میں کسی قسم کی غیر قانونی حرکت برداشت نہ کی جائے گی ‘ بغیر الائسنس کے اکم کرنیوالوں اور انڈین چینل چلانے والوں کا سختی سے محاسبہ کیا جائے گا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دی ایجوکیٹر بارہ دری سکول میں گرین کلر ڈے کے حوالے سے شاندار تقریب منعقد ہوئی
گجرات(جی پی آئی) دی ایجوکیٹر بارہ دری سکول میں گرین کلر ڈے کے حوالے سے شاندار تقریب منعقد ہوئی جس میں چھوٹے بچوں نے مختلف تعمیر ی سر گرمیوں میں بھر پور حصہ لیا جس میں پری سکول کے بچوں کو مختلف گیمز ‘ نظمیں اور دیگر مختلف پروگرام کا انعقاد کیا گیا چھوٹے چھوٹے بچوں نے گرین کپڑے گرین عینکیں لگا کر گرین کلر کے غبارے اٹھا رکھے تھے اور مختلف پودوں اور پھولوں سے سکول اور کلاسز کو سجایا گیا ‘ جس میں بچوں نے بہت زیادہ انجوائے کیا ‘ جبکہ ٹیچرز کا کہنا تھا کہ گبند خضرہ کی ہریالی اور سبز رنگ کی نسبت سے یہ پروگرام منایا گیا تاکہ بچوں میں شعور اجاگر کیا جا سکے اور دین کے ساتھ ٹیلنٹ میں اضافہ ہو اور پاکستان کی خوشحالی میں بھی گرین ڈے پیش رفت ہو اور پاکستان کی خوشحالی کیلئے خصوصی دعائیں کروائیں گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کنجاہ گاڑی اورموٹرسائیکل کے تصادم میں دو نوجوان شدیدزخمی تفصیلات کے مطابق کنجاہ محلہ کوروٹانہ کے رہائشی گجرات(جی پی آئی) کنجاہ گاڑی اورموٹرسائیکل کے تصادم میںدونوجوان شدیدزخمی تفصیلات کے مطابق کنجاہ محلہ کوروٹانہ کے رہائشی 18سالہ شاہ رخ اور19سالہ ذوالفقار موٹرسائیکل پرگجرات جارہے تھے کہ محکمہ آ ر ایس پی کی گاڑی نے انہیںٹکرمار دی جس سے دونوںنوجوان شدیدزخمی ہوگئے جنہیں علاج معالجہ کیلئے گجرات ہسپتال داخل کرادیاگیاجبکہ ایک کی حالت تشویش ناک بتائی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ناروے پلٹ شخص کوچارنامعلوم کارسوارافرادکی دھمکیاںاورپچاس لاکھ روپے کامطالبہ تفصیلات گجرات(جی پی آئی) ناروے پلٹ شخص کوچارنامعلوم کارسوارافرادکی دھمکیاںاورپچاس لاکھ روپے کامطالبہ تفصیلات کے مطابق کنجاہ محلہ کوروٹانہ کارہائشی نذیر احمد ناروے سے پاکستان چھٹی آ یا ہواتھاکہ چارنامعلوم کارسواروںنے اسے سڑک کے کنارے روک لیا اوراسے دھمکیاں دیںاورکہا کہ دوتین دن کے اندراندرپچاس لاکھ روپے ہمیںپہنچا دوورنہ آ پ کوقتل کردیںگے۔اورنامعلوم ملزمان نے اس کے گھر کے مختلف افرادکے موبائل فون پر بھی دھمکیاںدیتے ہوئے مذکورہ رقم کامطالبہ کیا ۔کنجاہ پولیس نے متاثرہ شخص کی درخواست پر چار نامعلوم افراد کیخلاف مقدمہ درج کرلیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مرکزی میلادکمیٹی کنجاہ برانچ کااہم اجلاس میلاد کمیٹی کے دفتر میں منعقد ہوا گجرات(جی پی آئی) مرکزی میلادکمیٹی کنجاہ برانچ کااہم اجلاس میلاد کمیٹی کے دفتر میںمنعقدہوا جس میںکارکنوںکی کثیر تعداد نے شرکت کی اجلاس کی باقاعدہ کاروائی تلاوت قرآ ن پا ک سے شروع ہوئی تلاوت قرآ ن پاک کی سعادت میاں ارشد محمود نے حاصل کی ہدیہ عقیدت کے پھول شہزادرانا نے نچھاورکیے اوراجلاس میں متفقہ طور پر درج ذیل عہدے داروںکا چنائوکیاگیاسرپرست اعلیٰ حاجی غلام رسول ، سرپرست ارشد محمود، صدر شیخ نوازش علی ،نائب صدور میں محمد فیض، مرزا محمد سکندر ، مہر سہیل، جنرل سیکرٹری مہر تنویر حسین،جوائنٹ سیکرٹری محمد شہزاد رانا، سیکرٹری اطلاعات میاںارشدمحمود،پریس سیکرٹری محمدبلال بٹ ،سکیورٹی انچارج سیٹھ اظہرضمیر،خاذن بابا محمد انور کا چنائو عمل میں لایا گیا اجلاس کے احتتا م پر یہ بھی فیصلہ ہوا کہ عید میلادالنبی صلی اللہ علیہ وآلہ وسلم کوشان و شوکت سے منایا جائے گا اورملک کی سلامتی کیلئے دعابھی کی گئی۔
