اسلام آباد: مجلس وحدت مسلمین پنجاب کے سیکرٹری جنرل علامہ عبدالخالق اسدی سینکڑوں کارکنان کے قافلے کے ہمراہ آج صبح بھکر جلسہ کے لئے روانہ ہونگے مجلس وحدت مسلمین ضلع جھنگ، گڑھ موڑ، حیدر آباد تھل، منکیرہ میں کارکنان استقبال کریں گے۔
قافلوں کی شکل میں بھکر جلسہ گاہ پہنچیں گے علامہ عبدالخالق اسدی نے بھکر جلسہ عام کے حوالے سے کارکنوں سے خطاب کرتے ہوئے کہا کہ بھکر کا جلسہ یہاں کی تاریخ کا سب سے بڑا عوامی جلسہ ثابت ہو گا۔
یہاں کے عوام نے جاگیرداروں اور سٹیٹس کو کے خلاف جس جواں مردی سے مزاحمت کی ہے اس کی تاریخ میں کوئی مثال نہیں ملتی انشااللہ مجلس وحدت مسلمین عوامی حقوق اور قومی وحدت کے لئے جدو جہد جاری رکھیںگی اور انشااللہ وطن عزیز سے نفرت کا خاتمہ کر کے تکفیریت کو شکست دینگے۔۔
