جنوبی وزیرستان (جیوڈیسک) دہشت گرد تنظیم داعش کے پمفلٹ جنوبی وزیرستان کے واہگہ بازار میں تقسیم کئے گئے ہیں جس میں کہا گیا ہے کہ القاعدہ اور طالبان کے خلاف لوگوں کو نہیں چھوڑیں گے۔
حکمرانوں کی میں نہ مانوں کی رٹ کے باوجود ملک میں داعش کی موجودگی ثابت ہونے لگی جنوبی وزیرستان میں نامعلوم افراد نے واہگہ بازار میں داعش کے پمفلٹ تقسیم کئے ہیں۔
پمفلٹ میں لکھا ہے کہ جو بھی القاعدہ اور طالبان کے خلاف ہے اسے نہیں بخشا جائے گا۔ پمفلٹ میں نیچے ملک اجمل کا نام بھی درج ہے۔
اس سے پہلے کراچی پشاور اور لاہور میں کئی دیواروں پر داعش کی حمایت میں نعرے لکھے گئے لیکن سیکیورٹی ادارے ابھی تک کسی بھی ذمہ دار کو پکڑنے میں ناکام رہے ہیں۔
