نیویارک (جیوڈیسک) معروف ہالی وڈ اداکار ہیو جیک مین کی ایڈونچراور کامیڈی سے بھرپور نئی فینٹسی فلم “پین”کاپہلا ٹریلر ریلیز کر دیا گیا۔ دنیا بھر میں وولورین کے کردار میں دھوم مچانے والے ہیوجیک مین اب خطرناک بحری قزاق کے روپ میں نظر آئینگے، اسی سلسلے میں نئی ایڈونچر کامیڈی فینٹسی فلم “پین”کا پہلا ٹریلرریلیز کر دیا گیا ہے۔
ہدایتکارجو رائٹ کی اس سنسنی خیز فلم کی کہانی جادوئی سر زمین پر بسنے والے پیٹر پین نامی ایک ایسے یتیم لڑکے کے گِرد گھوم رہی ہے جو غیر معمولی صلاحیتوں کا مالک ہوتا ہے اور خطرناک بحری قزاقوں کو اپنی طاقت اور بہادری کے ذریعے سبق سکھاتا ہے۔
پال ویبسٹر اور کریگ برلانٹی کی مشترکہ پروڈکشن میں بننے والی اس فلم میں Blackbeard نامی خطرناک بحری قزاق کا کردار اَن گنت نا قابلِ فراموش کردار وں میں نظر آنے والے ہیو جیک مین نبھا رہے ہیں۔
جبکہ پیٹر پین کے روپ میں ننھے اداکارلیوی مِلر اور ہُک مین کے کردار میں گیریٹ ہیڈلینڈجلوۂ گر ہونگے۔ نت نئے جادوئی کمالات اور فینٹسی ورلڈ کی سیر پر مبنی یہ کامیڈی ایڈونچر فلم وارنر بروس کے تحت آئندہ سال 17 جولائی کو سنیما گھروں میں دھوم مچانے آرہی ہے۔
