لاہور (جیوڈیسک) محکمہ موسمیات نے آئندہ چوبیس گھنٹوں کے دوران مالاکنڈ، ہزارہ ، پشاور ، راولپنڈی، گوجرانوالہ، لاہور ڈویژن، کشمیر ، گلگت بلتستان میں چند مقامات پر ہلکی بارش کی پیشگوئی کی ہے۔
محکمہ موسمیات کےمطابق ملک کے بیشترعلاقوں میں مطلع صاف ہے تاہم بالائی خیبرپختونخواہ ،اسلام آباد ، بالائی پنجاب ، کشمیر اور گلگت بلتستان میں مطلع ابرآلود ہے۔
آئندہ 24 گھنٹوں کے دوران مالاکنڈ ، ہزارہ ، پشاور ، راولپنڈی ، گوجرانوالہ، لاہور ڈویژن، کشمیر، گلگت بلتستان میں چند مقامات پر ہلکی بارش اور پہاڑوں پر برفباری کا امکان ہے جبکہ ملک کے دیگر علاقوں میں موسم بدستور سرد اور خشک رہے گا۔
