ممبئی (جیوڈیسک) بالی ووڈ اداکار عمران ہاشمی نے ان تمام خبروں کی تردید کی ہے کہ انہوں نے اپنی فلم ’انگلی‘ میں سنی لیون کے ساتھ کام کرنے سے انکار کیا تھا۔
عمران ہاشمی نے کہا ہے کہ ان باتوں میں کوئی صداقت نہیں ہے کہ میں نے اپنی فلم ’انگلی‘ کے ٹائٹل سانگ کے لئے اداکارہ سنی لیون کے ساتھ کام کرنے سے انکار کیا تھا۔ ان کا کہنا تھا کہ اگر مستقبل میں مجھے کوئی اچھا اسکرپٹ ملا تو میں سنی لیون کے ساتھ ضرور کام کروں گا۔
فلم انگلی کی بڑے پیمانے پر پروموشن نہ کرنے کے حوالے سے پوچھے گئے سوال کے جواب میں عمران ہاشمی کا کہنا تھا کہ پروموشن کے بارے میں مجھے نہیں پتہ لیکن میں اپنی جانب سے بھرپور کوشش کر رہا ہوں اور اپنے مصروف شیڈول میں سے وقت نکال رہا ہوں۔
