مصطفی آباد/للیانی (نامہ نگار) ڈکیتی و راہزنی کی وارداتوں میں ملوث ڈکیت گینگ کا سرغنہ عمر جٹ پانچ ساتھیوں سمیت گرفتار، گزشتہ ایک ماہ کے دوران 15اشتہاری، 12جواری ، 8منشیات فروش، نا جائز اسلحہ ودیگر جرائم میں ملوث 43ملزمان گرفتار،4کلوچرس، 200لیٹر شراب ،13پسٹل برآمد، تفصیلات کے مطابق ایس ایچ او تھانہ مصطفی آباد اعجاز احمد شیخ نے پولیس کی بھاری نفری کے ہمراہ راجباہ پلی دفتوہ روڈ کے قریب ڈکیتی کی نیت سے بیٹھے ملزمان عمر جٹ، علی حسن جٹ،رضوان جٹ، سلمان جٹ اور طیب بھٹی کو گرفتار کرکے ان کے قبضہ سے 5پسٹل بر آمد کر لیا، ایس ایچ او تھانہ مصطفی آباد اعجاز احمد شیخ نے صحافیوں سے گفتگو کرتے ہوئے کہا کہ گزشتہ ایک ماہ کے دوران قتل، اقدام قتل، ڈکیتی و راہزنی ودیگر جرائم میںملوث15خطر ناک اشتہاری، 8منشیات فروش،12جواری، ناجائز اسلحہ ویگر جرائم میں ملوث43افراد کو گرفتار کرکے جیل بھیجا جا چکا ہے، انہوں نے مزید کہا کہ ڈی پی او قصور جواد قمر کی خصوصی ہدایت پر منشیات فروشوں، جواریوں ودیگر جرائم پیشہ افراد کے خلاف کریک ڈائون شروع کر دیا ہے، صحافی و شریف شہری سماج دشمن عناصر کے خلاف کاروائی میں پولیس کے ساتھ تعاون کریں، عوامی تعاون کے بغیر سماج دشمن عناصر کا قلع قمع ممکن نہیں۔ عوام میرے موبائل نمبر0304-7714016پر اطلاع کریں فوری کاروائی کروں گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار)نا معلوم چور محلہ چوہدریاں والا سے 25کے وی کا ٹرانسفامر چوری کرکے فرار، تفصیلات کے مطابق گزشتہ رات نا معلوم چور مین فیروز پور روڈ محلہ چوہدری والا سے 25کے وی کا ٹرانسفامر اتار کر اس میں موجود کوائل نکا ل کر فرار ہو گئے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار)خطر ناک مرض نے چار بھینسوں کی جان لے لی، فوری نوٹس لینے کا مطالبہ، تفصیلات کے مطابق نواحی گائوں کھارا میں نا معلوم خطر ناک مرض کی وجہ سے محمد رفیق، ظاہر اسلام، شیر محمد اور نصرو کی چار بھینسیں ہلاک ہو گئی،متاثرین کے مطابق نامعلوم مرض سے جانور چارہ کھاتے کھاتے دس سے پندرہ منٹ میں ہلاک ہو جاتا ہے، اعلی حکام فوری نوٹس لیتے ہوئے مرض کا پتا لگا کر اس کا صدباب کریں، اہل علاقہ کا مطالبہ، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار)پٹرولیم مصنوعات میں دوبارہ کمی، ضلعی انتظامیہ کرایوں میں کمی کروانے سے قاصر، ٹرانسپورٹر حضرات من مانے کرایہ وصول کرنے میں مصروف، تفصیلات کے مطابق پٹرولیم مصنوعات میں کمی کی وجہ سے ملک بھر میں مسافر بسوں کے کرایوں میں واضع کمی ہوئی ہے لیکن لاہور قصور روڈ پر چلنے والی مسافروں بسوں میں من مانے کرایوں کی وصول کا سلسلہ جاری ہے، جبکہ ضلعی انتظامیہ کرایوں میں کمی کروانے میں مکمل ناکام ہو چکی ہے، مسافروں کی بڑی تعداد نے وزیر اعلی پنجاب سے فوری نوٹس لیتے ہوئے کرایوں میں کمی اور غفلت کے مرتکب افسران کے خلاف کاروائی کا مطالبہ کیا ہے۔
