دبئی (جیوڈیسک) متحدہ عرب امارات کے قومی دن پر رنگارنگ تقریبات جاری ہیں۔ دبئی میں آتش بازی کا شاندار مظاہرہ کیا گیا۔
دبئی کے برج العرب ہوٹل اوراس کے اطراف ہونے والی شاندار پرفارمنس کو دیکھنے کے لیے متحدہ عرب امارت کی قیادت، شاہی خاندان کے افراد اور سرکاری افسران بھی موجود تھے۔
لائیو تھیٹر، رقص اور میوزک شو سے بھرپور اس تقریب کو شرکاء نے خوب انجوائے کیا۔ تھری ڈی میپ کے ذریعے شاندار لائٹ ورک نے تقریب کو چارچاند لگادیے۔
دبئی کی ساحلی پٹی پر کیے گئے آتش بازی کے دلفریب مظاہرے کو دیکھنے کے لیے ہزاروں افراد جمع تھے۔ خوب صورت اور رنگ برنگے پیڑن سے مزین آتش بازی کو اس تقریب کی جان قرار دیا گیا۔
