نئی دلی (جیوڈیسک) بھارتی فلم نگری میں کچھ بھی ناممکن نہیں کل کے دوست آج کے دشمن اور دشمن دوست بن جاتے ہیں اور کل تک جہاں بالی کے تینوں خانوں کا ایک جگہ اکٹھا ہونا بھی حیران کن بات تھی لیکن نا صرف ایسا ہوا بلکہ تینوں نے اکٹھے رقص بھی کیا۔
بھارتی ٹی وی کے اینکر پرسن ’’رجت شرما‘‘ گزشتہ کئی برسوں سے اپنے پروگرام ’’آپ کی عدالت‘‘ میں مختلف شعبہ ہائے زندگی سے تعلق رکھنے والی اہم شخصیات کو کٹہرے میں لاکر ان سے چبھتے ہوئے سوال پوچھتے ہیں، ان کے پروگرام کی 21 ویں سالگرہ کے موقع پر ’’آپ کی عدالت‘‘ کے خصوصی پروگرام کا انعقاد کیا گیا۔
جس میں انہیں خود عدالتی کٹہرے میں لایا گیا اور ان سے سوال پوچھے سلمان خان، شاہ رخ خان اور عامر خان نے، پروگرام کے دوران تینوں خانوں نے شاہ رخ خان کی فلم چنئی ایکسپریس کے ٹریک ’’لنگی ڈانس‘‘ پر رقص بھی کیا۔
واضح رہے کہ اس سے قبل شاہ رخ خان اور عامر خان نے سلمان خان کی بہن ارپیتا خان کی شادی میں بھی ایک ساتھ شرکت کی تھی۔
