اسلام آباد (جیوڈیسک) وفاقی وزیر برائے منصوبہ بندی احسن اقبال کا کہنا ہے کہ جلاؤ گھیراؤ کی سیاست ملک کے لئے زہر قاتل ہے۔
احسن اقبال کا کہنا تھا کہ آج دنیامیں مقابلہ اونچے نعروں اور لمبی تقریروں کا نہیں بلکہ اقتصادی ترقی کا ہے، آج ہمیں کسی کے لئے گو فلاں گو کا نعرہ نہیں لگانا بلکہ ہمیں ’گو لوڈ شیڈنگ گو‘، ’گو دہشت گردی گو‘ اور ’گو مہنگائی گو ‘کہنا ہے۔
وفاقی وزیر نے کہا کہ پر امن اور خوشحال پاکستان کے لئے معاشی پہیے کا چلتا رہنا بہت ضروری ہے، فیصل آباد، لاہور اور کراچی کو بند کرنا پاکستان کی برآمدات کو بند کرنا ہے، جلاؤ گھیراؤ ملک کے لئے زہر قاتل ہے لہذا ہمیں اس قسم کے اقدامات سے گریز کرنا چاہیئے۔
