کراچی (اسٹاف رپورٹر) پاکستان پیپلز پارٹی کراچی ڈویژن کے رہنماء نظیر احمد بھٹو اور ضلع ملیر کے رہنمائوں مصیب کیانی، بخت ترین، پیر زمان، عمر ولی، اورنگزیب سواتی اور دیگر نے پاکستان پیپلز پارٹی کی سنیئر رہنماء سابق وفاقی وزیر اطلاعات اور امریکہ میں پاکستان کی سابق سفیر محترمہ شیریں رحمان کو پاکستان پیپلز پارٹی کا مرکزی نائب صدر بننے پر اُن کو دلی مبارکباد پیش کرتے ہوئے کہا کہ شیریں رحمان کی پارٹی کے لئے خدمات قابل قدر ہیں۔
ان کے پارٹی کی مرکزی نائب صدر بننے کے بعد پاکستان پیپلز پارٹی کراچی کے کارکنان میں خوشی کی لہر دوڑ گئی رہنمائوں نے اُمید ظاہر کیا ہے کہ شیریں رحمان پارٹی کو منظم اور بھٹو ازم کو فعال کرنے میں اپنا کلیدی کردار ادا کریں گے اور پیپلز پارٹی کے کارکنان کو اعلیٰ مقام دلا ئینگی ،پیپلز پارٹی کے رہنمائوں نے شیریں رحمان کو مرکزی نائب صدر نامزد کرنے پر شریک چیئر مین آصف علی زرداری کا شکریہ ادا کیا ہے۔
