نیویارک (جیوڈیسک)خطرناک زومبیزپر مبنی نئی ایکشن ہارر ویڈیو گیم “ریذیڈنٹ ایول :ریویلیشنز 2 ” متعارف کرا دی گئی۔ایکشن کے دیوانوں کیلئے خوشخبری ہے کہ مار دھاڑ سے بھرپور نئی زومبی ہارر ویڈیو گیم “ریذیڈنٹ ایول :ریویلیشنز 2 ” کاٹریلر جاری کر دیا گیا ہے۔
جاپان کی ویڈیو گیم ڈولپر کمپنی Capcom کی پیش کردہ سنسنی سے بھرپور اس ویڈیوگیم ٹریلر میں خطرناک نشانے باز فائٹرزاپنے روایتی انداز میں زومبیز کا خاتمہ کرتے نظر آرہے ہیں۔ اس سنسنی خیزگیم میں کئی نئے مِشن اور ٹاسک متعارف کرائے گئے ہیں جس میں گزشتہ حصوں کی نسبت کئی نئے کردار گیم کھیلنے والے کو ہائی لیول تک پہنچانے میں مدد گار ثابت ہونگے۔
جدید ہتھیاروں سے لیس طاقتور جنگجوؤں اور اہداف کو نشانہ بناتے کرداروں سے بھرپور یہ ویڈیو گیم جنوری 2015 میں لانچ کر دی جائیگی جوپی سی، ایکس باکس وَن اور 360 ،پلے اسٹیشن تھری اور فور کیلئے موزوں ہے۔
