اسلام آباد (جیوڈیسک) مسلم لیگ ن کے رہنماء حنیف عباسی کا عمران خان پر ایک ارب روپے ہتک عزت کا دعویٰ، راولپنڈی کی مقامی عدالت نے کپتان کو بائیس دسمبر کو طلب کر لیا۔
مسلم لیگ نون کے رہنما حنیف عباسی کی جانب سے دائر ہتک عزت کے دعوی میں مؤقف اختیار کیا گیا کہ عمران خان نے کنٹینر پر کھڑے ہو کر انہیں منشیات فروش اور جعلی دوائیاں بنانے والا کہا جس سے ان کا استحقاق مجروح اور شہرت کو نقصان پہنچا۔
ایڈیشنل سیشن جج عبدالستار لنگاہ نے عمران خان کونوٹس جاری کرتے ہوئے بائیس دسمبر کو طلب کر لیا ہے۔
