ممبئی (جیوڈیسک) بھارتی اداکار سلمان خان کے لیے 2014 خوش آئند رہا کیونکہ رواں سال ریلیز ہونے والی فلم “کک” نے سلمان خان کی مقبولیت اور باکس آفس انڈیکس پر چار چاند لگا دیے ہیں۔
ان کی مقبولیت میں اضافہ بھارتی شو میں ان کا غیر معمولی انداز میزبانی بھی مانا جاتا ہے۔ کاروباری جریدے فوربز کے مطابق سلمان خان سال 2014 میں “دو ارب 44 کروڑ 50 لاکھ روپے” کما کر بالی وڈ کے امیر ترین اداکار بن چکے ہیں۔
اب کی بار انہوں نے بالی وڈ کنگ شاہ رخ خان کو بھی مات دے دی جو کہ دو ارب 44 کروڑ 40 لاکھ روپے کے ساتھ کما کر دوسرے نمبر پر رہے۔ رواں سال شاہ رخ خان کی مقبولیت میں بھی کمی آئی ہے اور سلمان نمبر ون رہے۔
