قومی پالیسی برائے انسداددہشت گردی: کمیٹی کی میٹنگ آج ہوگی

Chaudhry Nisar

اسلام آباد (جیوڈیسک) انسداد دہشت گردی کی ’قومی حکمت عملی‘ کے قیام کے لیے بنائی جانے والی کمیٹی کا اجلاس آج ہو گا۔

کمیٹی میں تمام پارلیمانی جماعتوں کی نمائندگی شامل ہے جبکہ اس کی سربراہی وفاقی وزیر داخلہ چوہدری نثار علی خان کر رہے ہیں۔

پارلیمانی جماعتوں کی کمیٹی کا قیام پشاور سانحہ کے بعد وزیر اعظم نواز شریف کی زیر صدارت ہونے والے تمام جماعتوں کے اجلاس میں کیا گیا تھا۔

کمیٹی ایک ہفتے میں اپنا کام مکمل کرکے پالیسی حکومت کو دے گی جس پر فوج اور دیگر اسٹیک ہولڈرز سے تبادلہ خیال کرکے عمل درآمد شروع کر دیا جائے گا۔

Nasir Mehmood - Chief Editor at GeoURDU.com