لاہور (جیوڈیسک) لاہور کے متعدد پرائیویٹ تعلیمی اداروں نے سردیوں کی چھٹیوں کے حکومتی احکامات ہوا میں اڑا دیے،شہر میں نہ صرف اسکول کھلے رہے بلکہ بچوں کے امتحانات بھی لیے گئے۔
سانحہ پشاور کے بعد سیکورٹی خدشات کے پیش نظرحکومت نے سرکاری اور پرائیوٹ تعلیمی اداروں کو فوری طور پر آج سے 2 جنوری تک بند کرنے کا حکم جاری کیا تھا۔
لیکن متعدد پرائیوٹ تعلیمی اداروں نے حکومت کے احکامات کو رد کرتے ہوئے ہٹ دھرمی کا ثبوت دیا اور آج بھی اسکول کھلے رکھے، بچوں کے امتحانات بھی لئے گئے، والدین سراپا احتجاج ہیں کہ محکمہ تعلیم فوری طور پر ان تعلیمی اداروں کے خلاف کارروائی کرے۔
