گجرات (جی پی آئی) آج جامع مسجد شہنشاہ ولائت سے بعد ازنماز جمعہ میلاد مصطفیٰ ریلیکا انعقاد کیا جائے گا جس کی قیادت صاحبزادہ پیر سید حسن محمود شاہ گجراتی،اور چوہدری افتخار احمد ملہی کریں گے جس میں ضلع بھر سے علماء کرام مشائخ عظام شریک ہوں گے پرنس چوک میں صاحبزادہ پیر سید سعید احمد شاہ گجراتی خطاب کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) بی ڈویژن پولیس نے غوثیہ گڈز کے مالک میاں عارف سعید پگانوالہ کی رپورٹ پر گجرات ‘گوجرانوالہ’سیالکوٹ’ میں ٹرکوں کے اڈوں سے لاکھوں روپے کا مال چوری کرنیوالے افغانی نور آغا کے خلاف چوری کا مقدمہ درج کرکے اسکا مقامی عدالت سے تین روزہ جسمانی ریمانڈحاصل کرلیاہے دوران تفتیش ملزم کے بارے میں انکشاف ہوا ہے کہ ملزم نے کنٹونمنٹ بورڈ کا جعلی کارڈ بنوا رکھا ہے اور اسکے پاس اصلی شناحتی کارڈ بھی نہ ہے ۔ ملز م نے گجرات سیالکوٹ گوجرانوالہ میں چوری سمیت دیگر سنگین وارداتوں کا انکشاف کیا ہے ملزم سے مزید تفتیش جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) تھانہ اے ڈوثرن کے علاقہ ریلوے روڈ پر واقع گل پان شاپ پر رات کی تاریکی مین نامعلوم چوروں نے دوکان کی دیوار پھاڑ کر دوکان سے ستر ہزار روپے کی نقدی اور 40ہزار کے قیمتی سگڑیٹ چوری کر لیا اور فرار ہو گئے چوری کی واردات کے بعد ریلوے روڈ کی تاجر برادری میں تشویش کی لہر ڈور گئی ہے یاد رہے کہ آئے روز ریلوے روڈ اور اس کے ارد گرد علاقوں میں چوری کی وارداتیں عروج پر ہیں مگر پولیس چوروں کو پکڑ نے میں بری طرح ناکام ہو گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی ) ڈی سی او گجرات لیاقت علی چٹھہ، ڈی پی اورائے اعجاز احمد کے ہمراہ 29دسمبربروز سوموار دن بارہ بجے پارک گرائونڈ جلالپور جٹاں میں کھلی کچہری لگائیں گے،ایم این اے نواب زادہ مظہر علی خان ایم پی اے نواب زادہ حیدر مہدی،ایم پی اے میجر (ر) معین نواز، نوابزادہ طاہر الملک، ضلعی چیئرمین زکو اة کمیٹی چوہدری تنویر گوندل اور تمام محکموں کے ضلعی سربراہان بھی کھلی کچہری میں شرکت کریں گے۔ اسسٹنٹ کمشنر میاں اقبال مظہر کے مطابق کھلی کچہری سے قبل جلالپور جٹاں میں لیٹ اندراج کے لئے کیمپ میں ریونیو ، محکمہ صحت کا عملہ اور سکرٹری یونین کونسل اپنا کام جاری رکھیں گے جبکہ ڈی سی او اور دیگر مہمانان خصوصی لیٹ اندراج سرٹیفکیٹ بھی تقسیم کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) سخت سردی کے دنوں میں بجلی و گیس کی غیر اعلانیہ لوڈ شیڈنگ نے نظام زندگی کو بری طرح مفلوج کر کے رکھ دیا ہے ‘ تین تین گھنٹے لگاتار بندش اور صبح و شام کھانا پکانے کے اوقات میں گیس کی لوڈ شیدنگ اور کم پریشر کے باعث لوگ شدید پریشانی میں مبتلا اور مشکلات کا شکار ہیں ۔ شہر کے دیگر علاقوں میں گزشتہ کئی روز سے گیس کا پریشر انتہائی کم ہونے کے باعث خواتین کو امور خانہ میں شدید مشکلات کا سامنا ہے اور گھروں کے چولہے بند ہو گئے ہیں ‘ لوگ ہوٹلوں سے کھانا لانے پر مجبور ہو گئے ‘ ادھر گھروں میں گیس پریشر صفر ہونے سے ہوٹلوں پر کھانے کے منہ مانگے دامے وصول کئے جانے لگے ۔ بجلی کی لوڈ شیڈنگ سے ہر طبقہ کے لوگ متاثر ہو رہے ہیں ‘ کاروبار ٹھپ ہو کر رہ گئے ہیں ۔ شہریوں نے اعلیٰ حکام سے مطالبہ کیا ہے ‘ کہ حکومت گھریلو صارفین کیلئے گیس پریشر کی بہتری کو یقینی بنائے ۔ اور لوڈ شیڈنگ کا خاتمہ کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) گجرات کے دیگر نواح کے علاقوں میں گیس کی ریفلنگ دھڑلے سے جاری ‘ کوئی پوچھنے والا نہیں ‘ محکمہ سول ڈیفنس کے عملہ نے اپنی آنکھیں بند کر رکھی ہیں ‘ تفصیلات کے مطابق گجرات شہر کے گردونواح کے علاقوں میں بالخصوص تھانہ لاری اڈا ٹائر مارکیٹ ‘ رامتلائی چوک ‘ فروٹ منڈی روڈ ‘ شادیوال روڈ ‘ سرگودھا روڈ ‘ سٹاف گلہ ‘ کچہری چوک ‘ جلالپورجٹاں روڈرکشہ مارکیٹ ‘ جناح روڈ ‘ عثمان پورہ ‘ غریب پورہ ‘ پرنس چوک اور دیگر بارونق علاقوں شامل ہیں ‘ جہاں پر دھماکہ ہونے پر بہت سی جانوں کا ضائع ہونے کا خدشہ ہے’ شہری حلقوں کا کہنا ہے کہ یہ لوگ تو اپنی جانوں سے کھیل رہی ہیں ‘ مگر دوسرے کی جانوں سے کھیلنے کا انہیں کوئی حق نہیں ۔ اگر کوئی سانحہ منگوال والا رونما ہوا تو اس کی تمام تر ذمہ داری محکمہ سول ڈیفنس اور انتظامیہ پر ہو گی ۔ اگر ان کے خلاف کارروائی نہ کی گئی ۔ تو بہت بڑا جانی نقصان ہونے کا خدشہ ہے ‘ شہری حلقوں نے ڈی سی او گجرات ‘ اے سی گجرات سے پر زور مطالبہ کیا ہے کہ ایسے مکرہ دھندہ کرنے والے عناصر کے خلاف فی الفور کارروائی کی جائے۔
رحیم محمڈن شاہ فیصل ٹائون نے محفوظ الیون ملیر کو شکست دیکر کوارٹر فائنل میں پہنچ گئی
