لاہور (جیوڈیسک) فلم اسٹار میرا نے کہا ہے کہ بھارت کے شہر دہلی میں ہونے والے ’’دہلی انٹرنیشنل فلم فیسٹیول‘‘ میں ’’ہوٹل‘‘ کو بہترین فلم اورمجھے بہترین اداکارہ کا ایوارڈ ملنے پربے حد خوش ہوں۔
یہ ایوارڈ پوری پاکستانی قوم کے نام کرتی ہوں۔ بھارت میں ملنے والا ایوارڈ ان لوگوں کے سوالوں کا بھی بہترین جواب ہے جو بلاوجہ مجھے تنقید کا نشانہ بناتے ہیں۔ ان خیالات کا اظہار اداکارہ میرا نے کیا۔ انھوں نے کہا کہ دہلی میں بہت اچھا رسپانس ملا، فلم فیسٹیول میں بہت سی فلمیں نمائش کے لیے پیش کی گئی تھیں لیکن ’’ہوٹل‘‘ کو دیکھنے کے بعد جہاں شرکاء نے فلم کی کہانی اور میری اداکاری کو پسند کیا وہیں جیوری ممبران نے بھی میرٹ پر ہمیں ایوارڈ کے لیے منتخب کیا۔
انھوں نے بتایا کہ مجھے سے جلنے والے مخالفین طرح طرح کی باتیں بناتے رہتے تھے اور میڈیا میں رہنے کے لیے بلاوجہ مجھ پر تنقید کرتے رہتے تھے لیکن بھارت میں جس طرح سے ہمارے کام کوسراہا گیا ہے۔
ایوارڈ کی خبریں منظر عام پرآنے کے بعد وہ تمام مخالفین کہیں چھپ کر بیٹھ گئے ہیں اور مجھے امید ہے کہ وہ اب کوئی نیا پراپیگنڈہ بنانے میں مصروف ہونگے۔ میں ان سب سے بس اتنا ہی کہنا چاہوں گی کہ وہ میرے خلاف منفی پراپیگنڈہ کرتے رہے لیکن میں بہترین کام کرتے ہوئے آگے بڑھتی رہوں گی۔
لاہور: انار کلی کے پلازہ میں آتشزدگی، 13 افراد جاں بحق
2014ء پاکستان فلم انڈسٹری کیلئے اچھا رہا، 39 فلموں نے سینما کو رونق بخشی
