کراچی (جیوڈیسک) صوبائی محکمہ تعلیم سندھ نے سانحہ پشاور کے بعد صوبے بھر کے تعلیمی اداروں میں موسم سرما کی تعطیلات میں 11روز کے اضافے کی سفارش کر دی ہے۔
صوبائی سیکریٹری تعلیم فضل اﷲ پیچوہو نے کہا ہے کہ وزیر تعلیم نثار احمد کھوڑو کو تعلیمی اداروں میں موسم سرما کی تعطیلات میں اضافے کی سمری بھجوائی گئی ہے جس کی منظوری پر سندھ بھر کے سرکاری و نجی اسکول اور کالج 11 جنوری تک بند رہیں گے اور 12 جنوری سے تدریسی عمل شروع ہوگا۔
سمری کی منظوری کی صورت میں آئندہ ایک دو روز میں نوٹی فکیشن جاری کر دیا جائے گا۔ واضح رہے کہ سندھ میں موسم سرما کی تعطیلات 22 دسمبر سے 31 دسمبر تک ہوتی ہیں۔
جوڈیشل کمیشن پر آئیں بائیں شائیں جمہوریت سے زیادتی ہو گی، مشاہد حسین
پی آئی اے جنوری میں مزید 5 جہاز بیڑے میں شامل کرے گی
