سیہون شریف (جیوڈیسک) دھند کے باعث ریلوے پھاٹک پر ٹرک کے ٹرین کی زد میں آنے سے 3 افراد جاں بحق جبکہ 12 سے زائد زخمی ہو گئے۔
سیہون کے قریب ریلوے پھاٹک ایل ایکس تھری پر مزدوروں سے بھرے ٹرک کا ڈرائیور دھند کے باعث کراچی سے پشاور جانے والی خوشحال خان خٹک ایکسپریس کے فاصلے اور اس کی رفتار کا صحیح اندازہ نہ کر سکا اور پھاٹک عبور کرنے کے لئے گاڑی آگے بڑھا دی۔
اسی اثنا میں ٹرک ٹرین کی زد میں آگیا۔ حادثے کے نتیجے میں 3 محنت کش موقع پر ہی جاں بحق جبکہ 12 زخمی ہوگئے۔ لاشوں اور زخمیوں کو تحصیل اسپتال سیہون اور مانجھن منتقل کردیا گیا جہاں زخمیوں کو طبی امداد فراہم کی جارہی ہے۔
واضح رہے کہ گزشتہ سال بھی پھاٹک پر کوئی رکاوٹ نہ ہونے کے باعث ایک رکشہ ٹرین کی زد میں آگیا تھا جس کے نتیجے میں اسکول جانتے ہوئے 8 بچے جاں بحق ہو گئے تھے۔
کرم ایجنسی میں سڑک کنارے نصب بارودی مواد پھٹنے سے 4 اہلکار شہید
پنجاب کے میدانی علاقوں میں تین روز تک دھند کی شدت برقرار رہنے کا امکان
