جدہ (جیوڈیسک) سعودی حکومت نے بلاگر کو سائبر کرائم اور مذہب اسلام کی توہین کرنے پر ایک ہزار کوڑوں اور 10 سال قید بامشقت کی سزا کے ساتھ جرمانے کے طور پر ایک ملین ریال بھی ادا کرنے کا حکم دیا ہے۔
سعودی عرب میں رائف بداوی نامی بلاگر کو اسلام کی توہین کرنے اور سائبر کرائم کے جرم میں ایک ہزار کوڑوں اور 10 سال قید با مشقت کی سزا کے ساتھ جرمانے کے طور پر ایک ملین سعودی ریال بھی اداکرنے کا حکم دیا گیا ہے۔
رائف بداوی کو جدہ میں مسجد کے باہر لاکر اس پر عائد الزامات مجمعے کے سامنے پڑھ کر سنائے گئے اور پھر جمعہ کی نماز کے بعد اسے 50 کوڑے لگائے گئے جب کہ رائف بداوی کو سزا کے طور پر سر عام ہر جمعہ کو 50 کوڑے مارے جائیں گے۔
دوسری جانب انسانی حقوق کی تنظیموں نے رائف بداوی کو دی جانے والی سزا کی شدید الفاظ میں مذمت کرتے ہوئے اسے فوری ختم کرنے کا مطالبہ کیا جب کہ امریکی محکمہ خارجہ کی خاتون ترجمان نے بھی سعودی عرب سے رائف بداوی کی سزا فوری ختم کرنے کا مطالبہ کیا ہے۔
طالبان نے افغان حکومت کی جانب سے وزارتوں کی پیش کش مسترد کر دی
ریسکیو اہلکاروں کو تباہ شدہ ایئر ایشیا کے طیارے کے بلیک باکس سے سگنل موصول
