نیویارک (جیوڈیسک) امریکی عدالت نے مصری نژاد برطانوی عالم دین ابو حمزہ المصری کو شدت پسندی کے فروغ اور دہشت گردوں کو معاونت فراہم کرنے کے الزام میں عمر قید کی سزا سنا دی۔
ابو حمزہ پر الزام تھا کہ انہوں نے امریکا پر حملوں کے لئے القاعدہ اور طالبان کی مدد کی اور غیر مسلموں کے قتل کے لئے لوگوں کو اکسایا۔ عدالت نے ابو حمزہ کی کارروائیوں کو ’وحشیانہ‘ اور ’گمراہ کن‘ قراردیتے ہوئے انھیں یمن میں مغربی ممالک کے شہریوں کو یرغمال بنانے کی سازش میں معاونت کا مجرم قرار دیتے ہوئے عمرقید کی سزا سنا دی۔
واضح رہے کہ ابو حمزہ المصری کو برطانیہ میں طویل قانونی جنگ کے بعد 2012 میں امریکا لایا گیا تھا جہاں ان کے خلاف مقدمہ چلایا گیا۔
میرپور خاص : پولیس مقابلے میں تین ڈاکو ہلاک، دو ایس ایچ اوز سمیت 5 اہلکار جاں بحق
آئندہ نسلوں کو محفوظ اور پرامن پاکستان دیں گے، شہباز شریف
