پیرمحل ( میاں اسد حفیظ سے ) تحصیل پیرمحل بار ایسوسی ایشن کے سالانہ انتخابات مکمل ہو گئے۔ رانا عمران حفیظ خان منج 34 ووٹ لے کر صدر ، نسیم عباس بخاری34ووٹ لے کر جنرل سیکرٹری ، چوہدری طاہر رضا 33ووٹ لے کر نائب صدر ، نذیر احمد نوہانہ 36ووٹ لے کر جائنٹ سیکرٹری ، سعید احمد رضا 30ووٹ لے کر فنانس سیکرٹر ی، منیر احمد شیخ 31ووٹ لے کرلائبریری سیکرٹری منتخب ہوگئے جب کہ مخالف امیدوار طاہرسعیدصفوری صدر25ووٹ ، طالب حسین جعفری نائب صدر 20ووٹ،اکرم نوناری جنرل سیکرٹری 26ووٹ، عابد کھوکھر جائنٹ سیکرٹری 22 ووٹ ، سلمہ حبیب فنانس سیکرٹری 25ووٹ،مہر اقبال رفیق ہمجانہ 25ووٹ حاصل کئے ،پیرمحل بار ایسوسی ایشن انتخابات میں مہر شاہد زیب سرگانہ ایڈوکیٹ گروپ نے اہم کردار کیاانہوں کی حمایت سے پورا پینل منتخب ہو گیا( تصویر ہمراہ ہے) ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( میاں اسد حفیظ سے ) غوثیہ کرکٹ کلب کو 6وکٹ سے شکست۔تفصیل کے مطابق تکبیر کرکٹ کلب کمالیہ اور غوثیہ کرکٹ کلب پیرمحل کے مابین ایک دوستانہ میچ کھیلا گیا جس میں غوثیہ کرکٹ کلب نے پہلے کھیلتے ہوئے مقررہ اوورز میں 214رنز سکور کئے۔ہدف کے تعاقب میں تکبیر کرکٹ کلب کمالیہ نے 21.3اوورز میں چار وکٹ کے نقصان پر میچ جیت لیا۔تکبیر کرکٹ کلب کمالیہ کی جانب سے عتیق عرف گوگا نے 81رنز سکور کئے اور مین آف دی میچ قرار پائے۔غوثیہ کرکٹ کلب پیرمحل کی جانب سے کپتان خالد نعیم نے آل رائونڈر کھیل پیش کرتے ہوئے 51سکور کے ساتھ دو کھلاڑیوں کو آئوٹ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے ) ریس کلب پیرمحل عہدیداران کا ایک تعزیتی اجلاس منعقد ہوا جس میں مقامی صحافی رانا شمشاد احمد کی بھاوج کے انتقال پر گہرے رنج و غم کا اظہار کیاگیا۔مرحومہ کیلئے دعائے مغفرت اور لواحقین کیلئے صبر جمیل کی دعا کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے ) چوروں نے شہری کے گھرسامنے سے ہزاروں روپے مالیت کا سامان اڑا لیا۔تفصیل کے مطابق لوئر کالونی کے شہری ذوالفقار علی قوم راجپوت نے اپنے گھر کے سامنے ریڑھے پر ہزاروں روپے مالیت کا زرعی سامان رکھ چھوڑا تھا کہ نامعلوم چوروں نے موقع پا کر سامان اور ریڑھا غائب کر لیا۔شبہ ہونے پر ریڑھے کے ٹائر نشانات پر جب چوروں کا تعاقب کیاگیاتو بائی پاس روڈ پر چوری میں ملوث عناصر ریڑھا چھوڑ کر فرار ہو گئے جب کہ دیگر سامان لے اڑے۔متاثرہ نے واردات میں ملوث افراد کے خلا ف اندراج مقدمہ کیلئے درخواست تھانہ پیرمحل پولیس کو گزار دی تھی مگر تادم تحری مقدمہ کا اندراج نہیں ہو سکا تھا۔چور ی میں نقصان کا اندازہ 70,000/ـروپے لگایا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے ) دیہاتی کے گھر چوری کرنے والے نامزد ملزمان کے خلاف مقدمہ درج۔تفصیل کے مطابق گائوں 734گ ب کے رہائشی مسمی محمد وارث ولد مہامد علی کے گھر داخل ہو کر دو لاکھ دس ہزار روپے مالیت کی قیمتی اشیاء چوری کرنے والے مبینہ ملزمان محمد شہباز ،الیاس ،محمد اعجاز اور امتیاز وغیرہ کے خلاف تھانہ پیرمحل پولیس نے بجرم 454/380ت پ کے تحت مقدمہ کا اندراج کر کے کاروائی کا عمل شروع کر دیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے ) اروتی پولیس نے کامیاب چھاپہ مار کر بھانجے کے قتل میں ملوث خاتون سمیت دو افراد کو گرفتار کر لیا ، مقدمہ کے مرکزی ملزم کی تلاش جاری ،،تفصیل کے مطابق تھانہ اروتی کی حدود میں واقع چک نمبر 745 گ ب میں عرصہ درا ز سے زمین کا تنازعہ چلا آ تھا کہ گزشتہ روز تلخ کلامی پر سگے ماموں نے فائرنگ کر کے بھانجے محمد یار کو قتل کر دیا تھا جس کی ایف آئی آر تھانہ اروتی پولیس نے تین افراد جن میں اقبال ولد غلام محمد بیٹے افضل ولد اقبال ، بیوی شہناز کے خلاف درج کیا جس پر ایس ایچ او تھانہ اروتی رانا نصیر حسن نے بھاری نفری کے ہمراہ کامیاب چھاپہ مار کر بھانجے کو قتل کرنے والے اقبال کی بیوی شہناز اور بیٹے افضل کو گرفتار کر لیا جبکہ کہ ملزم اقبال کی تلاش جاری ہے یاد رہے کہ قتل کی واردات کے بعد تینو ںملزمان روپوش ہو گئے تھے ،،
مسافر بس نمبری LES-2963 شدید دھند کے باعث ریل گاڑی کے انجن سے ٹکرا گئی
رانا عمران منج ایڈوکیٹ کی تیسری مرتبہ تحصیل پیرمحل بار کے صدر منتخب ہونے پر مبارکباد
