کراچی (جیوڈیسک) شہر کے مختلف علاقوں میں ٹریفک حادثات میں6 سالہ بچے اور اسکول طالب علم سمیت 4 افراد جاں بحق ہوگئے۔
تفصیلات کے مطابق کھوکرا پار کے علاقے میںگولڈن گراؤنڈ کے قریب کچرا اٹھانے والے ٹرک کی زد میں آکر موٹر سائیکل سوار نو عمر لڑکا جاں بحق ہو گیا جس کی لاش ضابطے کی کارروائی کے لیے جناح اسپتال منتقل کی گئی جہاں متوفی کی شناخت 17 سالہ محمد سلمان ولد محمد سلطان کے نام سے کر لی گئی، متوفی گیلانا آباد ملیر کا رہائشی اور لیاقت علی اسکول کا طالب علم تھا، کھوکرا پار پولیس کے مطابق متوفی اسکول سے چھٹی کرنے کے بعد موٹر سائیکل ون ویلنگ کرتے ہوئے کے ایم سی کے ٹرک کی زد میں آکر ہلاک ہو گیا۔
پولیس نے ٹرک کے ڈرائیور رستم نواز کو حراست میں لے لیا،اتحاد ٹاؤن کے علاقے گلشن غازی موڑ کے قریب تیز رفتار سوزوکی نے بچے کو ٹکر مار دی جس کے نتیجے میں بچہ شدید زخمی ہو گیا جسے فوری طور پر سول اسپتال منتقل کیا گیا تاہم بچہ زخمیوں کی تاب نہ لاتے ہوئے دوران علاج دم توڑگیا، اتحاد ٹاؤن کے اے ایس آئی نذیر احمد نے بتایا کہ ہلاک ہونے والے بچے کی شناخت 6 سالہ رمضان ولد خان سید کے نام سے کرلی گئی،متوفی گلشن غازی کا رہائشی ہے۔
فرار ہونے والے لوڈنگ سوزوکی کے ڈرائیور کی گرفتاری کیلیے چھاپے مارے جا رہے ہیں، پاکستان بازار تھانے کے علاقے اورنگی ٹاؤن سیکٹر ساڑھے11سلام چوک کے قریب مزدا کی چھت سے گر کر مسافر جاں بحق ہو گیا،متوفی کی شناخت50 سالہ ریاض ولد عطااﷲ کے نام سے کر لی گئی، متوفی اورنگی ٹاؤن سیکٹر ساڑھے گیارہ کا رہائشی ہے،فرار ہونے والی مسافر مزدا کے ڈرائیور کی گرفتاری کیلیے چھاپے مارے جا رہے ہیں۔
اتوار اور پیر کی درمیانی شب کلفٹن تھانے کے علاقے کلفٹن تین تلوار کے قریب نامعلوم گاڑی موٹر سائیکل سوار کو ٹکر مار کر فرار ہوگئی جس کے نتیجے میں موٹر سائیکل پر سوار شخص شدید زخمی ہوگیا جیسے فوری طور پر جناح اسپتال منتقل کر دیا گیا جہاز گزشتہ روز زخمی شخص دوران علاج دم توڑ گیا، کلفٹن پولیس کے مطابق ہلاک ہونے والے شخص کی شناخت 25 سالہ مکیش ولد منوہر لال کے نام سے کر لی گئی ہے متوفی مکان نمبر10بلاک 2 رنچھوڑ لائن کا رہائشی ہے،گلشن اقبال تھانے کے علاقے بلاک 5 میں نامعلوم گاڑی ٹکر سے20 سالہ عمران ولد حفیظ زخمی ہوگیا۔
پی پی نے عوام کو بھوک و افلاس کے سوا کچھ نہیں دیا، ممتاز بھٹو
دھمکی آمیز خط کیساتھ گولیاں بھیجنے والوں کیخلاف کارروائی کا مطالبہ
