کراچی (جیوڈیسک) بیرون ملک مقیم پاکستانیوں نے رواں مالی سال کے پہلے 6 ماہ (جولائی تا دسمبر) کے دوران 8 ارب 98 کروڑ 16 لاکھ 70 ہزار ڈالر کی ترسیلات زر وطن بھجوائیں جو گزشتہ مالی سال میں 7 ارب 79 کروڑ 24 لاکھ ڈالر کی ترسیلات زر کے مقابلے میں 15.26 فیصد زائد ہیں۔
اسٹیٹ بینک آف پاکستان کی جانب سے جاری کردہ ماہانہ رپورٹ کے مطابق دسمبر 2014 کے دوران کارکنوں کی ترسیلات زر 1 ارب 58 کروڑ 32 لاکھ 30 ہزار ڈالر رہیں جو نومبر 2014 کے مقابلے میں 20 فیصد اور دسمبر 2013 سے 14.32 فیصد زائد ہیں۔
رپورٹ کے مطابق دسمبر 2014 میں سعودی عرب 49 کروڑ 90 لاکھ 80 ہزار، متحدہ عرب امارات 35 کروڑ 23 لاکھ 70 ہزار، امریکا 22 کروڑ 24 لاکھ 50 ہزار، برطانیہ 18 کروڑ 83 لاکھ 40 ہزار، خلیج تعاون کونسل کے ملکوں (بشمول بحرین، کویت، قطر اور عمان) 18 کروڑ 92 لاکھ 20 ہزار ڈالر، یورپی یونین کے ملکوں سے 3 کروڑ 3 لاکھ 40 ہزار ڈالر اور ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے 10 کروڑ 14 لاکھ 30 ہزار ڈالر پاکستان بھجوائے گئے۔
جبکہ دسمبر 2013 میں سعودی عرب 41 کروڑ 30 ہزار ڈالر، متحدہ عرب امارات 27 کروڑ 51 لاکھ 60 ہزار ڈالر، امریکا 22 کروڑ 39 لاکھ 90 ہزار ڈالر، برطانیہ 17 کروڑ 71 لاکھ 10 ہزار ڈالر،خلیج تعاون کونسل کے ملکوں (بشمول بحرین، کویت، قطر اور عمان) 16 کروڑ 50 لاکھ 50 ہزار ڈالر، یورپی یونین کے ملکوں 3 کروڑ 74 لاکھ 30 ہزار ڈالر اور ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے موصولہ رقم 9 کروڑ 61 لاکھ 70 ہزار ڈالر تھی۔
زرمبادلہ کے ذخائر 15 ارب ڈالر سے تجاوز کر گئے ، وزیرخزانہ اسحاق ڈار
حصص مارکیٹ میں تیزی، انڈیکس پہلی بار 33418 پوائنٹس پر پہنچ گیا
