گجرات ( جی پی آئی ) آل پاکستان پرائیویٹ سکولز مینجمنٹ ایسوسی ایشن کے انتخابات ناظم کھوکھر صدر اور چوہدری محمد شریف بلا مقابلہ جنرل سیکرٹری منتخب ہو گئے ‘ آل پنجاب پرائیویٹ سکولز مینجمنٹ ایسوسی ایشن ڈسٹرکٹ گجرات کا اجلاس کڈز کیمپس سکول میں منعقد ہوا ‘ چیف الیکشن کمشنر نے نتائج کا اعلان کیا ہے ۔ جس کے مطابق مندرجہ عہدیداران منتخب ہوئے ‘ سید ممتاز حسین شاہ تا حیات چیئر مین ‘ پروفیسر شفیق خیال سرپرست اعلیٰ ‘ آفتاب ڈار سرپرست ‘ شہزاد شفیق نقشبندی وائس چیئر مین ‘ محمد ناظم کھوکھر صدر ‘ چوہدری محمد شریف جنرل سیکرٹری ‘ افضال رانجھا ‘ چیف آرگنائرز ناصر سلیم ‘ سینئر نائب صدر افضال مرل ‘ نائب صدر آصف ڈار ‘ نائب صدر راجہ شفاعت حسین ‘ نائب صدر حاجی رمضان ‘ نائب صدر محمد طاہر ‘ نائب صدر عرفان شیخ ‘ جائنٹ سیکرٹری ضیاء وحید ‘ پریس سیکرٹری یاور عباس ‘ انفارمیشن سیکرٹری راجہ عمران عزیز ‘ فنانس سیکرٹری شفقت جمیل مرزا ‘ لیگل ایڈوائزر ایم ڈی فاروق اعظم ‘ ممبر شپ سیکرٹری مرزا مختار ‘ ڈپٹی جنرل سیکرٹری ظہیر الدین بابر ‘ ایڈیشنل سیکرٹری عمر خان ‘ ممبر شپ سیکرٹری عمران وڑائچ ‘ سٹی صدر چوہدری عامر بشیر اور سٹی جنرل سیکرٹری شہزاد اوپل شامل ہیں ۔ اس موقع پر تمام منتخب عہدیداران کو مبارکباد پیش کی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) پرائیویٹ سکولز کے مسائل کے حل کیلئے ہمیشہ کام کیا ہے اور پرائیویٹ سکولز کو سہولیات فراہم کرنا ہمارا فرض ہے ‘ ان خیالات کا اظہار ممتاز ماہر تعلیم چیئرمین آل پاکستان پرائیویٹ سکولز مینجمنٹ ایسوسی ایشن سید ممتاز شاہ نے گزشتہ روز آل پاکستان پرائیویٹ سکولز مینجمنٹ ایسوسی ایشن کے اجلاس کے دوران کیا ۔ انہوں نے کہا کہ پرائیویٹ سکولز حکومت کا ہاتھ بٹاتے ہیں ‘ حکومت بھی پرائیویٹ سکولز کے مسائل کے حل کیلئے تعاون کرے ‘ ہمیں جب بھی کسی نے آواز دی ہم نے آ گے بڑھ کر مسائل کو حل کیا ۔ اور آئندہ بھی اس سلسلہ میں کام جاری رکھیں گے ۔ نو منتخب صدر ناظم کھوکھر نے کہا کہ کسی کو پرائیویٹ سکولز کے ساتھ زیادتی نہیں کرینگے اور ہم اپنا حق لینا جانتا ہیں’ اور پرائیو یٹ سکولز کے مسائل کے حل کیلئے کام کرتے رہیں گے ۔ اور چیئر مین سید ممتاز شاہ اور مرکزی صدر عدیل ادیب جاودانی نے ہمیشہ ہمارا ساتھ دیا ہے ۔ نو منتخب جنرل سیکرٹری چوہدری محمد شریف نے کہا کہ پرائیویٹ سکولز کے مسائل کے حل کیلئے بھرپور طریقہ سے کام کرینگے ۔ اور اپنی تنظیم کو مضبوط بنائیں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) پاکستان پیپلزپارٹی ضلع گجرات کی صدر ثمینہ فخر پگانوالہ کی کال پر گجرات پریس کلب سے کچہری چوک تک گستاخانہ خاکوں کی اشاعت کے خلاف بھرپور احتجاجی مظاہرہ کیا گیا ۔ جس کے قائدین میں سابق ایم این اے ثمینہ فخر پگانوالہ ‘ ایم پی اے حاجی عمران ظفر ‘ امیر جماعت اسلامی ڈاکٹر طارق سلیم ‘ پی ٹی آئی کے راہنما افضل گوندل ‘ انعام الٰہی بٹ ‘ چوہدری یاسر امین مرال ‘ وزیر النساء ایڈووکیٹ’ مسیحی راہنما جاوید جے ایم ‘ افتخار بھٹہ ‘ خادم حسین سلیمی ‘ علی سفیان چن ‘ صدر گجرات پریس کلب عبدالستار مرزا ‘ پاکستان مسلم لیگ ق کے ملک عامر نواز ‘ پروفیسر بو علی منور و دیگر نے کی ۔ اس موقع پر سینکڑوں خواتین و حضرات نے شرکت کی ۔ شرکاء نے گستاخانہ خاکوں کی اشاعت کے خلاف بھرپور احتجاجی مظاہرہ کیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) ضلع گجرات میں سوئی گیس کی غیر اعلانیہ لوڈ شیڈنگ کے خلاف خواتین کاسوئی گیس دفتر کے باہر بھرپور احتجاجی مظاہرہ ‘ مظاہرہ کی قیادت ضلعی صدر پاکستان پیپلزپارٹی ثمینہ فخر پگانوالہ ‘ وزیر النساء ایڈووکیٹ اور انعام الٰہی بٹ نے کی ۔ خواتین نے سوئی گیس کی لوڈشیڈنگ کے خلاف نعرہ بازی کی اور سوئی گیس کی فوری فراہمی کا مطالبہ کیا ۔ محکمہ سوئی گیس کے سینئر آفیسر سمیع اللہ خان پراچہ نے اس موقع پر مظاہرین بات چیت کرتے ہوئے کہا کہ گیس کی فراہمی کے سلسلہ میں اقدامات کئے جار ہے ہیں ‘ اور جن علاقوں میں سوئی گیس کی لوڈشیڈنگ کا مسئلہ ہے وہاں پر ہمارا عملہ جا کر چیکنگ کرے گا ۔ اور مسائل کو حل کرینگے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) گجرات فرینڈز لائنز کلب عوامی کی خدمت کیلئے کام کر رہا ہے ‘ اور گزشتہ کئی سالوں سے مختلف پراجیکٹ کئے جاتے ہیں ۔ جن میں لائنز کلب کے پلیٹ فارم پر عوام کی خدمت کی جاتی ہے ۔ ان خیالات کا اظہار صدر گجرات فرینڈز لائنز کلب لائن عمر اقبال نے ماہانہ جنرل باڈی میٹنگ کے دوران کیا۔ انہوں نے کہا کہ جلد ہی ایک گرینڈ میڈیکل کیمپ لگایا جا ئے گا ۔ بلڈ ڈونیشن کیمپ لگایا جائے گا ۔ اسلام آباد میں ہونے والے کمیونٹی لیڈرز شپ ٹریننگ میں بھرپور شرکت کی جائے گی۔ ٹریفک کے مسائل کے حل کیلئے سیمینار منعقد کیا جائے گا ۔ اس موقع پر خرم شہزاد ‘ سید سلیمان شاہ ‘ احسن متین ملک ‘ عمر نوخیز ‘ عامر رضوان ‘ رضوان احمد ‘ ڈاکٹر رزاق احمد غفاری ‘ ملک عمیر طاہر ودیگر نے شرکت کی ۔ نئے ممبر سلیمان ممتاز کو لائن پن لگائی گئی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی ) عالمی تنظیم اہل سنت 23جنوری جمعتہ المبارک کو ملک بھر میں گستاخانہ خاکوں کے خلاف سراپا احتجاج ہے ‘ اس سلسلہ میںگجرات میں 23جنوری جمعتہ المبارک کو 3بجے بعد نماز جمعتہ المبارک جی ٹی ایس چوک میں زبردست احتجاجی مظاہرہ ہوگا ‘ جس سے خصوصی طور پر پیشوائے اہل سنت حضرت پیر محمد افضل قادری خطاب کرینگے اور فرانس میں گستاخانہ خاکوں کو واصل جہنم کرنیوالے غازیوں اسلام شہیدوں کو زبردست خراج تحسین پیش کر کے بلندی درجات کی دعا کرینگے ۔ مفتی اسلام پیر عثمان افضل قادری نے مسلمانوں سے اپیل کی ہے کہ قافلہ در قافلہ شریک ہو کر غیرت دینی کا بھرپور مظاہرہ کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات( جی پی آئی) سابق جج انکم ٹیکس و سابق صدر گجرات بار چوہدری اصغر پسوال ، ترجمان ڈسٹرکٹ بار گجرات خالد مسعود ملک نے گزشتہ روز گجرات پریس کلب آکر نو منتخب صدر عبدالستار مرزا ، جنرل سیکرٹری حسام الدین کو مبارکباد دیتے ہوئے کہا کہ گجرات کے سینئر صحافیوں نے خوبصورت دیانتدار ، محنتی کابینہ کا انتخاب کیا ہے جو اپنی کارکردگی کے بل بوتے پر صحافیوں کی فلاح کیلئے کام کرنے کیساتھ ساتھ شہریوں کے مسائل اُجاگر کرنے اور انہیں حل کرنے میں بڑھ چڑھ کر کردار ادا کریگی انشاء اللہ گجرات کے وکلاء اور ہمارا ساتھ گجرات پریس کلب کے ساتھ رہیگا انہوں نے کہا کہ نئی ٹیم کو بہتر سے بہتر کام کر کے خود کو قیادت کا اہل ثابت کرنا ہوگا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) چوکی انچارج شاہدولہ چوہدری ذوالفقار گورائیہ نے منشیات فروش امتیاز عرف سائیں سکنہ شفیع آباد کو کٹڑا بازار سے گرفتا رکرکے اس کے قبضہ سے 30 بور پسٹل ناجائز اور115 گرام چرس برآمد کرکے مقدمہ درج کرلیا ہے اور تفتیش شروع کر دی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سینئر صحافی محمد انور شیخ کی رہائش گاہ پر خواتین کی محفل میلاد کا انعقاد کیا گیا محفل میں علاقہ بھر کی خواتین نے بھرپور شرکت کی۔محفل میلاد کے موقع پر نعت خوانی اور قرآن خوانی کے علاوہ حضورۖ صلی اللہ علیہ وآلہ وسلم کی ولادت باسعادت پر تفصیل سے روشنی ڈالی گئی محفل میلاد کے اختتام پر درود سلام پڑھا گیا لنگر بھی تقسیم کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات میں پٹرول کی عدم دستیابی کی وجہ سے ایک بار چنگ چی والوں کی چاندی ہوگئی چنگ چی والے وزیر آباد لالہ موسیٰ’ کھاریاں’ جلالپور جٹاں’ کنجاہ سمیت دیگر علاقوں کا مسافروں سے ڈبل کرایہ وصول کرکے دونوں ہاتھوں سے لوٹ رہے ہیں اس سلسلہ میں ضلعی انتظامیہ ان کے خلاف کاروائی کرنے سے قاصر ہے شہریوں نے کاروائی کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ملک میں پٹرول کے بخران کے باعث گوجرانوالہ کا رہائشی نوجوان ناصر احمد گاڑی بند ہونے کی وجہ سے اپنی بارات لیکر گجرات پہنچ گیا جب ٹانگہ پر گوجرانوالہ سے گجرات پہنچی تو دلہن والوں کی جان میں جان آگئی اس طرح ناصر محمود اپنی دولہن کو ٹانگہ پر بیٹھا کر گوجرانوالہ لے گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)تھانہ اینٹی کرپشن میں درخواست پر تھانیدار کی ٹرانسپورٹر کو سنگین نتائج کی دھمکیاں تفصیل کے مطابق گذشتہ روز ممتاز کاروباری شخصیت مہر محمد آصف آف مہر ٹریولز نے اے ایس آئی ساجد بھٹی کے چھوٹے بھائی احسان بھٹی کے خلاف 35 ہزار رشوت وصول کرنے پر تھانہ اینٹی کرپشن میں تحریری درخواست دی جس پر اے ایس آئی ساجد بھٹی نے ٹیلی فون پر مہر محمد آصف کو قتل کرنے اور سنگین نتائج کی دھمکیاں دی اور کہا کہ اگر تم نے درخواست واپس نہ لی تو تم پر جھوٹا مقدمہ درج کروادونگا مہر آصف نے ڈی پی او گجرات سے فوری نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات اور گردنواح میں پٹرول کی عدم دستیابی کی وجہ سے گجرات سے دوسرے شہروں کو جانیوالی ٹرانسپورٹ مکمل طور پر بند ہوگئی جس کیو جہ سے مسافروں اور شہریوں کو سخت مشکلات کا سامنا کرنا پڑرہا ہے پٹرول نہ ہونے کی وجہ سے گاڑیاں کو پہیہ جام ہوکر رہ گیا ہے مگر حکومت کی جانب سے اس سلسلہ میں کوئی ایکشن نہیں لیا جارہا جبکہ گجرات میں بعض PSO کے پمپس پر پٹرول حاصل کرنیوالوں کی ہزاروں کی تعدا میں لوگ جمع ہیں مگر پمپ انتظامیہ کی جانب سے ان کو ایک لیٹر پٹرول سے زائد نہیں دیا جارہا دوسری طرف رحمان شہید روڈ اور جی ٹی روڈ پر واقع پی ایس او کے پمپس پر شہریوں اور پولیس کے درمیان ہاتھا پائی بھی ہوئی بعدازاں پولیس نے شہریوں پر لاٹھی چارج بھی کیا جس سے پٹرول حاصل کرنیوالے ایکا دو کا شہری زخمی ہوئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی )مرکزی انجمن تاجران گجرات کے نا ئب صدر اور صرافہ جیولر اینڈ گولڈ ایسوسی ایشن کے جنرل سیکرٹری سیٹھ ظہیر عباس صرافا (ظہیر عباس جیولر ز)کی طرف سے گجرات پریس کلب کی نو منتخب کا بینہ سال 2015کے اعزاز میں فش پارٹی دی گئی ۔ عشائیہ میں ڈی ایس پی سٹی غلام مصطفی گیلانی ، گجرات پریس کلب کے صدر عبدالستار مرزا ، جنرل سیکر ٹری حسام الدین کرامت مہمان خصوصی تھے عشائیہ میں شیخ ابرار سعید (سابق سینئر نائب صد ر گجرات چیمبر آف کا مرس ) محمد سجیل خان (جائنٹ سیکرٹر ی ) ،عرفان حفیظ کھوکھر(فنانس سیکرٹری ) ندیم بھٹی (سیکرٹری سپورٹس ) ،ندیم اسدی ( سیکرٹری تقریبات ) صہیب سرور (سیکرٹری اطلاعات ) ، وقاص احسان( سیکرٹری لائبریری ،مجلس عاملہ کے ممبران شاہد اقبال ،محمد انور بھٹی ،سجاد نذیر ، انجم شہزاد ، فیاض بٹ ، خلیل انور ، ملک شفقت اعوان ،نوید شاہ ،نوازش علی نوازش، فرحان مرزا نے شرکت کی اور سیٹھ قمر خورشید صراف صدر مرکزی انجمن تاجران کنجاہ ،حاجی محمد منیر ، صدر انجمن تاجران سرگودھا روڈ ، محمد نذیر کمبوہ (چیئر مین انجمن تاجران سرگودھا روڈ ) سیٹھ شہزاد اختر ، شیخ نعمان سلیم آف واپڈا، احسان اللہ گجر ASI،محمد یسین آف واپڈا ، شیخ رئیس احمد ، سرپرست مرکزی انجمن تاجران کنجاہ ، مہرشہزاد ، مہر شہباز دیگر افراد نے شرکت کی ۔اس موقع پر گجرات پریس کلب کے صدر عبدالستار مرزا اور جنرل سیکرٹری حسام الدین کرامت نے سیٹھ ظہیر عباس صرافا کا شکریہ اداکیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی ) دہشت گردی کے موجودہ حالات میں صرف فورسز پر ہی ذمہ داری عائد نہیں ہوتی اس میں تمام مکا تب فکر اور بالخصوص عوام کو بھی اپنا کردار ادا کرنا ہو گا اسی سے ہی ہم ملک میں امن وامان کی فضا بہتر سے بہتر بنا سکتے ہیں ان خیالا ت کا اظہار ڈی ایس پی سٹی سید غلام مصطفی گیلانی نے سیٹھ ظہیر عبا س صراف کی طرف سے گجرات پریس کلب کے نو منتخب صدر عبدالستار مرزا جنرل سیکرٹری حسام الدین کرامت کے اعزاز میں دئیے گئے ظہرانہ سے خطاب کرتے ہوئے کیا انہوں نے کہا کہ بحثیت انسان ہم پر بھی ذمہ داریاں عائد ہو تی ہیں کہ معاشرہ کی بہتری کے لیے بڑھ چڑھ کر کردار ادا کریں پولیس اپنے فرائض سے غافل نہیں ہم محدود وسائل کے باوجود شہریوں کی حفاظت اور قیا م امن کے لیے دن رات ایک کیے ہو ئے ہیں ملک کے موجودہ حالات کا تقا ضا ہے کہ دہشت گر دی کے خاتمے کے لیے اپنے شہر کو محفوظ رکھنے کے لیے شہری پو لیس کے سا تھ دست تعاون آگے بڑھائیں اور انہیں گر دوپیش میں کو ئی مشکوک سر گرمی نظر آئے تو فوری طور پر متعلقہ تھا نہ رپورٹ کروائیں کیونکہ دہشت گردوں کے خلاف جنگ کو سیکیورٹی اداروں اور عوام نے مل کر لڑنا ہے ۔کرایہ داروں پر بھی نظر رکھیں اور کرایہ داروں کے مکمل کوائف متعلقہ تھانہ میں بھی جمع کروائیں ایسے اقدامات سے ہر کسی کو ریلیف ملے گا سیٹھ ظہیرا ف نے کہا کہ گجرات پریس کلب نے خوبصورت گلدستہ کا انتخاب کیا ہے نئے نوجوان ساتھیوں کے آنے سے بے حد خوشی ہوئی ہے جو اپنی قابلیت کے بل بوتے پر صحافیوں کی فلاح کیلئے بڑھ چڑھ کر کردار ادا کرینگے انہیں جہاں بھی ہماری ضرورت محسوس ہوتو ہمیں اپنے ساتھ پائیں گے انہو ںنے کہا کہ گجرات پریس کلب کے سینئرز نے ینگ قیادت کا انتخاب کر کے احسن فیصلہ کیا ہے جسے تمام طبقات نے سراہا ہے اور یہی انکی کامیابی اور صلاحیتوں کا ثبوت ہے اس موقع پر نو منتخب صدر عبدالستار مرزا ، جنرل سیکرٹری حسام الدین کرامت نے سیٹھ ظہیر صراف کا نو منتخب کابینہ کے اعزاز میں عشائیہ دینے پر شکریہ ادا کیا اور اپنے ہر ممکن تعاون کی یقین دہانی کروائی اس موقع پر گجرات پریس کلب کی نو منتخب کا بینہ اور ممبران پریس کلب کی کثیر تعداد موجو د تھی ۔
سلامت علی لاکو کی گرفتاری پر لاکھا برادری کی طرف سے احتجاج
معروف فٹ بال آرگنائزر بابو فیروز کی جلد صحت یابی کے لئے دعاگو ہیں۔ سید نجم الحسن
