گجرات (جی پی آئی) علماء اہلسنت کے ایک وفد نے آج ممبر اسلامی نظریاتی کونسل صاحبزادہ سید سعید احمد شاہ گجراتی کی قیادت میں ڈی پی او ضلع گجرات رائے اعجاز احمد کے ساتھ ملاقات کی اور علماء اہلسنت کے خلاف ہونیوالے مقدمات بسلسلہ لائوڈ سپیکر کو ختم کرنے کا فیصلہ کیا گیا اور ڈ پی او نے فوری طور پر ان مقدمات کو ختم کرنے کا حکم دیا’ آج کے اس ملاقات میں حاجی عمران ظفر اور صاحبزادہ پیر حسن محمود شاہ گجراتی نے شرکت کی ‘ صاحبزادہ پیر سید نور حسین شاہ ریٹائرڈ ایس پی نے ملاقات میں وفد اور ڈ پی او کی قانونی معاونت کی۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی )صحافی کالونی گجرات میں عظیم الشان میلاد المصطفیٰ ۖ کانفرنس کا انعقاد جس کی صدارت ممتاز عالم دین حضرت علامہ محمد شاہد چشتی نے کی اس موقع پر ممتاز شخصیات کی کثیر تعداد نے شرکت کی ۔ اس کانفرنس کا انعقاد محمد اصغر گجر ودیگر نے کیا ۔ جبکہ آرگنائزر ڈاکٹر رزاق احمد غفاری تھے ۔ اس موقع پر خصوصی خطاب علامہ محمد شاہد چشتی اور علامہ محمد اکبر جاوید خطیب اعظم سیالکوٹ نے کیا ۔ اس موقع پر تلاوت قرآن پاک کا شرف قاری محسن رضا قادری نے حاصل کیا ۔ جبکہ نعت رسول مقبول ۖ مظہر عزیز قادری ‘ محمد عارف شاہد گوندل ‘ سید عثمان شاہ نے پیش کی ۔ اس موقع پر مرکزی چیئرمین پنجاب امن کمیٹی برائے بین المذاہب ہم آہنگی و سماجی فلاح و بہبود جاوید اختر بٹ ‘ مرکزی صدر انجمن کمیٹی برائے بین المذاہب راجہ اعجاز احمد ‘ مرکزی کوآڈینیٹر سجاول اسلم نائب صدر تحصیل کھاریاں ودیگر شامل تھے ۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) ممتاز عالم دین حضرت علامہ محمد شاہد چشتی نے گزشتہ روز صاحبزادہ پیر سید سعید احمد شاہ گجراتی ممبر اسلامی نظریاتی کونسل سے ملاقات کی ‘ اور اہل سنت کیلئے اُن کی شاندار خدمات پر اُنہیں خراج تحسین پیش کیا ۔ اور کہا کہ پیر سید سعید احمد شاہ گجراتی کی خدمات ناقابل فراموش ہیں ‘ اور اُن کے خاندان نے ہمیشہ ملک اور اہل سنت کیلئے قربانیں دیں ہیں ۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات(جی پی آئی) صدر پاکستان مسلم لیگ ق سٹی گجرات محمد حنیف حیدری نے اپنے بیان میں کہا ہے کہ نا اہل حکمرانوں نے عوام کو بحرانوں میں دھکیل دیا ہے ۔ایک بحران ختم نہیں ہوتا دوسرا شروع ہوجاتا ہے۔ ابھی پٹرول کا بحران ختم نہیں ہوا کہ بجلی کی شدید لوڈ شیڈنگ نے عوام کو ازیت میں مبتلا کردیا ہے۔ یہ ان نام نہاد تجربہ کار قیادت کی ناکامی کا منہ بولتا ثبوت ہے کہ عوام سے کئے گئے وعدوں کی پاسداری تو دور کی بات بلکہ انہوں نے تو عوام کو اور زیادہ مشکلات میں ڈال دیا ہے۔ جس ملک میں گیس ،بجلی ،لوڈ شیڈنگ اوردہشت گردی عروج پر ہو اور وہاں کی گورنمنٹ خود کو تجربہ کار اور اعلیٰ قیادت سمجھے تو پھر اس ملک کا اللہ ہی حافظ ہے۔ جب خاندان کے افراد اور خوشامدی حضرات کو اعلیٰ وزارتیں سونپی جائیں تو پھر حالات اسی نہج پر پہنچ جاتے ہیں جیسا کہ اس وقت ہیں۔انہوں نے کہا کہ لگتا ہے کہ ن لیگی گورنمنٹ کو عزت راس نہیں آئی جب اپوزیشن نے ملکی مفاد میں اپنی تمام تر سرگرمیوں کو ختم کرکے حکومت کے لئے میدان خالی کردیا تاکہ وہ عوام کے لئے کچھ کرسکیں تو چایئے تو یہ تھا کہ گورنمنٹ اس موقع کا فائدہ اٹھاتی اور عوامی فلاح و بہبود کے لئے کوئی کام کرتی لیکن جونہی دھرنے ختم ہوئے تو حکومتی لوٹ مار بھی عروج پر پہنچ گئی اور پہلے سے پریشان عوام کو بحرانوں کی دلدل میں دھکیل دیا گیا ۔انہوں نے ،مزید کہا کہ اب بہتری اسی بات میں ہے کہ حکومت اپنی ناکامی کو تسلیم کرے عوام سے معافی مانگے اور مڈٹرم انتخابات کروا کر قیادت محب الوطن لیڈران کو سونپے تاکہ عوامی پریشانیوں کا ازالہ کیا جاسکے
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات (جی پی آئی ) ای ڈی او ایجوکیشن کا شف طاہر کی پریس ریلیز کے مطابق ایجوکیٹرز کی بھرتی کے لئے درخواستیں جمع کرانے کی آخری تاریخ 26جنوری سے بڑھا کر 29جنوری کردی گئی ہے ۔ محکمہ تعلیم میں بھرتی کے خواہشمند اہل امیدوار اب 29جنوری تک درخواست جمع کروا سکیں گے۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات(جی پی آئی)پولیس چوکی شادولہ کے انچارج چوہدری زولفقار علی گورائیہ نے ڈی پی او گجرات رائے اعجاز احمد کی خصوصی ہدایت پر جرائم پیشہ افراد کے خلاف کریک ڈوان کرتے ہوتے ہوئے افتخار اسلحہ رپیرنگ شاپ پر چھاپہ مار کر دو عدد رائفل ناجائز برآمد کر کے ایک شخص ا شفاق ولد صادق سکنہ چک بھگولہ کے خلاف مقدمہ درج کر کے تفتیش شروع کردی ہے۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات(جی پی آئی) ایکسائز انسپکٹر گجرات مرزا عدنان بیگ نے جنرل ہولڈ اپ کے دوران ناکہ بند ی کر کے ٹوکن مکمل نہ ہونے پر 25گاڑیاں جن میں کار، ویگن،ہائی ایس وغیرہ شامل ہیں کے کاغذات اور رجسٹریشن قبضہ میں لے کر ان کے خلاف کاروائی شروع کر دی ہے ، ایکسائز انسپکٹر گجرات مرزا عدنان بیگ نے بتایا ہے کہ جن گاڑیوں کے ٹوکن شاٹ ہیں ان کے خلاف کاروائی عمل میں لائی جارہی ہے ،انہوں نے گاڑی مالکان کو وارننگ دیتے ہوئے کہا ہے کہ وہ اپنی اپنی گاڑیوں کے ٹوکن جلد ازجلد مکمل کرایں تاکہ وہ جرمانہ سے بچ سکیں
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات(جی پی آئی)صدرگجرات اینٹی کرپشن فورس آرگنائزیشن پاکستان میاں محمدرفیق نے اپنے بیان میں کہاہے کہ سابقہ DCOگجرات نوازش علی کے دورمیں جوضلع گجرات کے اسلحہ کے لائسنس کینسل کیے گئے تھے۔ہائی کورٹ پاکستان نے یہ حکم دیاہے کہ ضلع گجرات کے ان کینسل شدہ کیسزکورنیوکیاجائے۔DCOگجرات لیاقت علی چٹھہ سے درخواست ہے کہ ان کیسزکورنیوکیاجائے۔یہ چھ سے سات ہزارکیسزہیں۔جوالتواکاشکارہیں۔میری وزیراعلی پنجاب میاں محمدشہبازشریف سے اپیل ہے کہ اسلحہ ر نیو کسیزکی طرف خصوصی توجہ دیتے ہوئے اسلحہ لائسنسزکوفوری رنیوکرنے کے احکامات جاری کیے جائیں۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی )چیف آفیسر بلدیہ کنجاہ سید نوید حیدر شاہ تحصیل آفیسر ریونیو کے عہدہ پر ترقی پاکر کوٹ مومن تبدیل ہوگئے ۔ان کی جگہ چیف آفیسر کے عہدہ کا چارج ملک محمد منیر نے سنبھال کر کام شروع کردیا ہے ۔ چارج سنبھالنے پر لائنز کلب کنجاہ کے صدر ڈاکٹر محمد عارف مسعود، مرکزی انجمن تاجران کنجاہ کے صدر سیٹھ قمر خورشید صراف، کنجاہ پریس کلب کے صدر یاورعباس، چیئرمین حاجی محمد صدیق بٹ اور دیگر اہم شخصیات نے ان کا استقبال کیا۔ انہیں ہار پہنائے اور کنجاہ آنے پر خوش آمدید کہتے ہوئے اس امید کا اظہار کیا کہ کنجاہ کی تعمیر و ترقی کے لیے وہ اپنا بھر پور کردار ادا کریں گے ۔ اس موقع پر چیف آفیسر ملک محمد منیر نے کہا کہ انشاء اﷲ اہلیان کنجاہ کی خدمت کا جذبہ لے کرآیا ہوں۔ کنجاہ کی فلاح و بہبود میرا مشن ہے ۔ صفائی کا نظام بہتر بنانے اور ترقیاتی کاموں کے حوالے سے اپنی پوری کوشش کروں گا کہ عوام کو کوئی شکایت نہ رہے ۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی )پاکستان تحریک انصاف حلقہ پی پی 110کے رہنما چوہدری ناصر سماں سابقہ امیدوار حلقہ پی پی 110نے کنجاہ پریس کلب کے نومنتخب صدر یاورعباس اور ان کی کابینہ کو دل کی اتھاہ گہرائیوں سے مبارکباد پیش کی ہے ۔ انہوںنے کہا کنجاہ پریس کلب کی ٹیم باصلاحیت صحافیوں پر مشتمل ہے امید کہ وہ صحافی برادری کے مسائل کو حل کرانے اور صحافیوں کی فلاح و بہبود کے لیے بڑھ چڑھ کر کام کرے گی ۔ انہوںنے کہا کہ کنجاہ کی صحافی برادری کے ساتھ پورا تعاون کریںگے اور بہت جلد کنجاہ پریس کلب کا دورہ کیا جائے گا۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی )بجلی کی غیراعلانیہ لوڈشیڈنگ نے عوام کا جینا محال کردیا ہے ۔ شدید سردی کے موسم میں بھی طویل لوڈشیڈنگ پر عوام سراپا احتجاج ہیں۔ گھنٹوں گھنٹوں بجلی غائب رہنے سے معمولات زندگی متاثر ہورہے ہیں ۔ تعلیمی اداروں کے سربراہان بھی سکول اوقات میں نصف سے زائد دورانیہ بجلی کی بندش ہونے پر شدید احتجاج کیا ہے ۔ انہوںنے کہا کہ سیکورٹی خدشات کے پیش نظر سکول اوقات میں بجلی کی فراہمی بے حد ضروری ہے ۔ تاجر برادری بھی لوڈشیڈنگ سے نجات کی اپیلیں کرتی رہتی ہے مگر حکام بالا ٹس سے مس نہیں ہوتے ۔ پیٹرول کی قلت کے باعث تاجر برادری کے جنریٹر بند ہونے سے بھی کاروبار تباہ ہورہے ہیں ۔ ضلعی حکومت نوٹس لیتے ہوئے دن کے اوقات میں بجلی کی لوڈ شیڈنگ میں کمی لائے بصورت دیگر عوام شدید احتجاج پر مجبور ہوںگے۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات ( جی پی آئی )تھانہ کنجاہ کے علاقہ جسوکی میں چوروں کا راج ، ایک ہفتہ میں متعدد چوری کی وارداتوں میں لاکھوں کا نقصان ۔ عوام میں خوف و ہراس کی لہر دوڑ گئی۔ عوامی حلقوںنے ڈی پی او گجرات سے مطالبہ کیا ہے کہ چوروں کے گینگ کو گرفتار کر کے بے نقاب کیا جائے اور لوگوں کے جان و مال کا تحفظ کیا جائے ۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ گجرات(جی پی آئی)صدرگجرات اینٹی کرپشن فورس آرگنائزیشن پاکستان میاں محمدرفیق نے اپنے بیان میں کہاہے کہ سابقہ DCOگجرات نوازش علی کے دورمیں جوضلع گجرات کے اسلحہ کے لائسنس کینسل کیے گئے تھے۔ہائی کورٹ پاکستان نے یہ حکم دیاہے کہ ضلع گجرات کے ان کینسل شدہ کیسزکورنیوکیاجائے۔DCOگجرات لیاقت علی چٹھہ سے درخواست ہے کہ ان کیسزکورنیوکیاجائے۔یہ چھ سے سات ہزارکیسزہیں۔جوالتواکاشکارہیں۔میری وزیراعلی پنجاب میاں محمدشہبازشریف سے اپیل ہے کہ اسلحہ ر نیو کسیزکی طرف خصوصی توجہ دیتے ہوئے اسلحہ لائسنسزکوفوری رنیوکرنے کے احکامات جاری کیے جائیں۔
گستاخانہ خاکوں کی اشاعت کے خلاف صحافی تنظیموں کے زیر اہتمام احتجاجی ریلی نکالی گئی
اسلامی دنیا کو متحد ہو کر باطل قوتوں کا مقابلہ کرنا ہو گا۔میاں گلزار احمد
