سبی(محمد طاہر عباس ) ضلع سبی کے ڈسٹرکٹ کونسل کے چیئرمین ملک قائم الدین دہپال ،وائس چیئرمین میر محمد چانڈیہ تحصیل سبی میونسپل کمیٹی کے چیئرمین حاجی دائود رند وائس چیئرمین میرشہدا د خان مری سمیت تین یونین کونسلز کے چیئرمین اور وائس چیئرمین بلا مقابلہ منتخب ہوگئے۔
جبکہ یونین کونسل مل اور یونین کونسل مرغزانی کے چیئرمین اور وائس چیئرمین کیلئے دو نوں گروپ کے امیدوار برابر ہونے کے بعد ٹاس کے ذریعے کامیاب ہوئے تفصیلات کیمطابق ڈسٹرکٹ کونسل کے چیئرمین کیلئے آزاد امیدوار ملک قائم الدین دہپال جبکہ وائس چیئرمین کیلئے بی این پی عوا می کے نامزد امیدوار میر محمد چانڈیہ بلا مقابلہ کامیاب ہوگئے میونسپل کمیٹی سبی کے چیئرمین حاجی دائود رند وائس چیئرمین میر شہدادخان مری ڈومکی رند اتحاد کی جانب سے بلا مقابلہ کامیاب ہوگئے۔
جبکہ ڈومکی گروپ کے یونین کونسل کڑک کے چیئرمین محمد امین خجک ،وائس چیئرمین عبد اللہ مندوانی کامیاب ہوگئے یونین کونسل تلی کے چیئرمین شازیہ صدیق وائس چیئرمین اسد خان سیلاچی یونین کونسل بابر کچھ کے چیئرمین اختیار خان وائس چیئرمین نذر محمد مری بلا مقابلہ منتخب ہوگئے جبکہ یونین کونسل مل کے الیکشن پریذائیڈنگ افیسر و ایڈیشنل کمشنر عظیم انجم ہانبھی اور یونین کونسل مرغزانی کے انتخابات پریذائیڈنگ آفیسر عبدالرحیم خجک کی زیر نگرانی منعقد ہوئے جس میں یونین کونسل مل اوریونین کونسل مرغزانی کے امیدوار وں نے ووٹنگ میں برابری حاصل کی جس کے بعد ٹاس کے ذریعے یونین کونسل مل کے چیئرمین وڈیرہ غوث بخش گورگیج وائس چیئرمین عبدالجبار جبکہ یونین کونسل مرغزانی کے چیئرمین بدرالدین ہانبھی وائس چیئرمین عبدالغفور دہپال منتخب ہوئے۔
معمولی تنازع پر دو افراد نے فائرنگ کر کے جاوید اقبال کو قتل کر دیا
حمزہ شہباز شریف کو گلویڑہ سٹرک کی تعمیر کیلئے ایک کروڈ 40 لاکھ کی گرانٹ دینے پر خراج تحسین پیش کرتے ہیں
