گجرات ( جی پی آئی ) چناب گروپ آف کالجز فروغ تعلیم کیلئے گرانقدر خدمات سرانجام دے رہا ہے ‘ ان خیالات کا اظہار صدر گجرات فرینڈز لائنز کلب عمر اقبال نے گزشتہ روز چناب گروپ آف کالجز کے دورے کے دوران کیا ۔ انہوں نے کہا کہ پروفیسر غلام مصطفی کی سربراہی میں یہ ادارہ دن دوگنی رات چوگنی ترقی کر رہا ہے ‘ جس کیلئے پروفیسر غلام مصطفی اور اُن کی ٹیم مبارکباد کی مستحق ہے ‘ پروفیسر غلام مصطفی نے بچیوں کی تعلیم کیلئے بھی بہترین انتظام کیا ہے ۔ جس کیلئے ہم ایڈمنسٹریٹر پروفیسر غلام مصطفی اور اُن کی ٹیم کو مبارکباد پیش کرتے ہیں ۔ اور امید ظاہر کرتے ہیں یہ ادارہ بہتر انداز میں کام کرتا رہے گا ۔ اس موقع پر پروفیسر غلام مصطفی نے کہا کہ اس وقت سینکڑوں طلباء و طالبات اس ادارے میں زیر تعلیم میں ہیں جن کی تربیت کا بھی بہترین بندوبست کیا گیا ہے ۔ انہوں نے کہا کہ ہم چاہتے ہیں کہ ہمارے طلباء زندگی کے ہر میدان میں نمایاں رہے اور خدمت خلق کیلئے کوشاں رہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی ) غیر ملکی شہریوں کے جعلی شناختی کارڈ بنانے والا گروہ گرفتار،تفصیلات کے مطابق ڈی پی او گجرات رائے اعجا زاحمد کی ہدائیت پر CIAپولیس گجرات نے غیر ملکی باشندوں (افغانی ) کو پاکستانی قومی شناختی بنانے والے گروہ کے خلاف پرانا جلالپوری اڈہ علاقہ تھانہ بی ڈویژن ریڈ کیا ۔لائق خان ولد ثناء اللہ قوم پٹھان سکنہ محلہ نور پور شرقی گجرات وغیرہ ملزمان 2کس کو جعلی شناختی کارڈ بناتے ہوئے رنگے ہاتھوں گرفتار کرلیا ۔ملزمان نے انکشاف کیا ہے کہ وہ افغانی باشندو ں کوپاکستانی جعلی شناختی کارڈ بناکر دیتے ہیں ۔جو وہ دوران کاروبار دیگر دستاویزی ضروریات کے لئے استعمال کرتے ہیں۔ ملزمان کے قبضہ سے 2عدد شناختی کارڈ جعلی اور کمپیوٹر ،سکینر وغیرہ برآمد کرکے مقدمہ درج کرلیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی ) ڈی سی او لیاقت علی چٹھہ کی ہدایت پر اسسٹنٹ کمشنر میاں اقبال مظہر کی زیر قیادت محکمہ صحت ، لائیو سٹاک ، پولیس اور ایلیٹ فورس کی ٹیم نے شادیوال میں چھاپہ مار کر جعلی زرعی و پولٹر ی ادویات تیار کرنیوالی فیکٹری پر چھاپہ مار کر لاکھوں روپے مالیتی جعلی ادویات برآمد کرلی ہیں ۔ ٹیم نے فوری کاروائی کرتے ہوئے فیکٹری کو سیل کر دیا ہے جبکہ اسکے مالک کو گرفتار کر لیا ہے ۔ ضلعی انتظامیہ کو اطلاع ملی تھی کہ شادیوال میں بعض افراد پولٹر ی اور لائیو سٹاک کی جعلی ادویات تیار کر کے مارکیٹ میں سپلائی کرتے ہیں جس پر ڈی سی او لیاقت علی چٹھہ نے اے سی گجرات اور انکی ٹیم کو فوری کاروائی کے لئے ہدایات جاری کیں۔ گذشتہ روز اے سی گجرات میاں اقبال مظہر ، ڈی او ایچ ڈاکٹر عابد غوری، ڈی او لائیوسٹاک ڈاکٹر طاہر عزیز ، ڈرگ انسپکٹر اور پولیس اور ایلیٹ فورس کی نفر ی کے ہمراہ اچانک فیکٹری پر چھاپہ مارا اور لاکھوں روپے مالیتی جعلی پولٹری و لائیو سٹاک ادویات کو قبضہ میں لے کر فیکٹری کو سیل کر دیا جبکہ فیکٹری مالک علی ابراہیم کو موقع سے گرفتار کر لیا گیا جس سے تفیتش جاری ہے۔ ڈی سی او لیاقت علی چٹھہ نے جعلی ادویات کے خلاف کامیاب کاروائی پر اے سی میاں اقبال مظہر اور دیگر افسران و ملازمین کو شاباش دی ہے اور ڈی او لائیو سٹاک کو ہدایت کی ہے کہ مذکورہ فیکٹری کے سپلائی کردہ ادویات کو قبضہ میں لینے کے لئے تمام سٹورز کی چیکنگ کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )خوبصورت گجرات پراجیکٹ کے تحت بھمبھر روڈ کی تعمیر کا آغاز آج سے ہوگا ڈی سی او لیاقت علی چٹھہ منصوبہ کا افتتاح کریں گے۔ افتتاحی تقریب میں ارکان اسمبلی اور دیگر محکموں کے افسران اور معززین بھی شرکت کریں گے۔
سبی نصیر آباد ڈویژن میں بجلی کے طویل بریک ڈائون کے خلاف رند گروپ کے احتجاجی مظاہرے
جی پی آئی خبروں کی تصویری جھلکیاں۔
