وزیرآباد(تحصیل رپورٹر) اوورہیڈبریج پر سامان سے لدا ٹرک خراب ہونے سے ٹریفک کا نظام بری طرح متاثر ۔ وزیرآباد کو سیالکوٹ سے ملانے والے اوورہیڈ بریج پر صبح سویرے ہی گجرات سے آنے والا ٹرک خراب ہوگیا جس کی وجہ سے دو طرفہ ٹریفک کا نظام بری طرح متاثر ہوارستہ تنگ ہو جانے کی وجہ سے بار بار ٹریفک پھنستی رہی اور گاڑیوں کی لمبی قطاریں لگتی رہیں۔ اس موقعہ پر ٹریفک وارڈن ٹریفک کھلوانے کیلئے خصوصی ڈیوٹی سرانجام دیتے رہے، شام کے وقت ٹرک کو ٹھیک کرنے کے بعد رستہ کو کھلوایا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(تحصیل رپورٹر) کئی ماہ گزرنے پر بھی نواحی علاقہ قدرت آباد میں سیوریج اور سڑک کا کام مکمل نہ ہوسکا ۔ قدرت آباد، خسڑے اور بھروکی کے ہزاروں مکینوں کو شدید دشواری کا سامنا ۔ نواحی علاقہ قدرت آباد میں سیوریج اور سڑک کی ازسر نو تعمیر کا کام شروع کیا گیا جو طویل عرصہ گزرنے پر بھی مکمل نہیں ہوسکا، قریبی مکانوں کاپانی سڑک پر کھڑا رہتا ہے جبکہ معمولی بارش کے بعد سارا علاقہ دلدل میں تبدیل ہوجاتا ہے جس کی وجہ سے علاقہ مکینوں اور قریبی دیہاتوں خسڑے، بھروکی سے روزانہ شہر آنے جانے والے افراد کو سخت تکالیف کا سامنا کرنا پڑتا ہے۔ عوامی، سماجی حلقوں نے ٹائون میونسپل ایڈمنسٹریٹررائو سہیل اختر، ڈی سی او گوجرانوالہ سے سڑک / سیوریج کی فوری تعمیر ومرمت کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد (تحصیل رپورٹر) ابر آلود موسم کی وجہ سے سردی کی شدت میں اضافہ ہوگیا۔گزشتہ رات سے افق پر بادل چھائے رہے جبکہ ٹھنڈی ہوائیں بھی چلتی رہیں علی الصبح معمولی سی بوندا باندی کے بعد آسمان پر بادلوں نے بسیرا کئے رکھا ، دھوپ نہ نکلنے کی وجہ سے سارا دن سردی رہی۔ سردی کی وجہ سے لوگوں نے اتوار کا دن بستروں میں دبک کر اور ہیٹروں کے سامنے گزارا۔ اس موقعہ پر مچھلی، پکوڑوں ، سموسوں اور فاسٹ فوڈز کی مانگ میں اضافہ دیکھنے میں آیا۔
روشن پاکستان پارٹی خواتین صنعتیں قائم کرے گی: امیر پٹی
پیرمحل کی خبریں 2/2/2015
