کراچی (جیوڈیسک) رواں مالی سال کے پہلے 7 ماہ کے دوران سیمنٹ کی فروخت میں سال بہ سال 6 فیصد اضافہ ریکارڈ کیا گیا۔ آل پاکستان سیمنٹ مینوفیکچررز ایسوسی ایشن کے اعداد و شمار کے مطابق جولائی 2014 سے جنوری 2015 کے دوران 2 کروڑ ٹن سیمنٹ فروخت کی گئی جو گزشتہ سال میں 1 کروڑ 88 لاکھ 57 ہزار ٹن کی فروخت سے 6.18 فیصد زائد ہے، سیمنٹ کی مقامی کھپت میں 9.45 فیصد اضافہ دیکھا گیا
جس سے معاشی سرگرمیوں میں بھی تیزی آئی ہے، ملک کے شمالی علاقے میں قائم سیمنٹ فیکٹریوں کی مقامی فروخت 10.63 فیصد کے اضافے سے 11.70 ملین ٹن کے مقابلے میں 12.948 ملین ٹن رہی، ملک کے جنوبی علاقوں میں قائم سیمنٹ فیکٹریوں کی فروخت 3.76 فیصد کے اضافے سے 2.44 ملین ٹن کے مقابلے میں 2.53 ملین ٹن رہی۔
شمالی علاقوں کی سیمنٹ فیکٹریوں کی ایکسپورٹ گزشتہ سال کے مقابلے میں 11.49 فیصد کمی سے 2.78 ملین ٹن رہی، اس دوران جنوبی علاقوں کی سیمنٹ فیکٹریوں کی ایکسپورٹ 12.18 فیصد کے اضافے سے 1.75 ملین ٹن رہی۔ اعدادوشمار کے مطابق جنوری 2015 میں سیمنٹ کی مجموعی فروخت 2.89 ملین ٹن رہی جو جنوری 2014 کی 2.73 ملین ٹن کی فروخت سے 5.91 فیصد زائد ہے، گزشتہ ماہ سیمنٹ کی مقامی فروخت 11.32 فیصد کے سال بہ سال اضافے سے 2.41 ملین ٹن جبکہ ایکسپورٹ 15 فیصد کمی سے 4 لاکھ 78 ہزار ٹن رہی۔
ٹیکس وصولیوں میں جولائی تا جنوری 117.8 ارب کا شارٹ فال
ایکسچینج کمپنیوں کے لائسنس تجدید کرنے کا طریقہ کار تبدیل
