بھمبر( ڈسٹرکٹ رپورٹر) پاکستان پیپلزپارٹی آزادکشمیر کو ایک بڑا دھچکا سابق صدر پنجاب پاکستان پیپلزپارٹی آزادکشمیر و سابق امیدوار اسمبلی چوہدری غلام حسین نے بیرسٹر سلطان محمود چوہدری کیساتھ پیپلزپارٹی کو خیر آباد کہہ کر پاکستان تحریک انصاف میں شمولیت اختیار کر لی تفصیلات کیمطابق بیرسٹر سلطان محمود چوہدری کے پیپلزپارٹی کو خیر آباد کرنے کے انکے دیرینہ ساتھیوں میں سے ایک قریبی ساتھی چوہدری غلام حسین جن کا تعلق ضلع بھمبر حلقہ LA7سے ہے لیکن عرصہ 30سال سے وہ لاہور میں مقیم ہیں اور ویلی کی نشست سے سابق امیدوار اسمبلی بھی ہیں نے بیرسٹر سلطان کے پارٹی چھوڑنے کیساتھ ہی تحریک انصاف میں شمولیت اختیار کرلی موصوف کا حلقہ LA7میں خاصہ ووٹ بنک بھی ہے جوہر الیکشن میں اثر انداز بھی ہوتا ہے دوسرے حلقوں کی طرح بھمبر حلقے میںپیپلزپارٹی کو چوہدری غلام حسین کے پارٹی چھوڑنے کے بعد کافی بڑا دھچکا لگا ہے میڈیا سے بات چیت کے دوران چوہدری غلام حسین نے کہاکہ میری سیاسی وابستگی بیرسٹر سلطان محمود چوہدری سے ہے اور ہمیشہ رہے گی قائد کشمیرکشمیریوں کے عظیم لیڈر ہیں انہوںنے ہر فورم پر مظلوم نہتے کشمیریوں کے حقوق کیلئے آواز اٹھائی بیرسٹر سلطان محمود چوہدری کے ہر فیصلے کا خیر مقدم کرتے ہیں اور ہمارا جینا مرنا قائد کشمیر کیساتھ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) کشمیر فریڈم موومنٹ کے زیر اہتمام شہید کشمیر مقبول احمد بٹ کی 31 ویں برسی انتہائی عقیدت و احترام سے منائی جائے گی برسی کے موقع پر الائیڈ سکول بھمبرکے احاطہ میں تقریب منعقد ہو گی جس میں ضلع بھر سے قائدین شہید کشمیر کی زندگی پر روشنی ڈالیں گے اس موقع پر مرحوم کی روح کے ایصال ثواب اور تحریک آزادی کشمیر کی کامیابی کیلئے خصوصی دعا کی جائے گی ۔
بھمبر (ڈسٹرکٹ رپورٹر) کشمیر پریس کلب کا تعزیتی اجلاس زیر صدارت ناصر شریف بٹ منعقد ہوا اجلاس میں طارق محمود ثاقب ،عزیز الرحمن ناز ،حاجی نعیم گل ،چوہدری خالد حسین ،ملک شوکت حسین ،ڈاکٹر طارق محمود شاکر ،چوہدری عاطف اکرم ،مرزا ندیم اختر ،ارشد محمود غازی ،چوہدری سلیم ساگر ،جہانگیر احمد پاشا،عابد زبیر ،شیراز پرویز مشتاق ،فیصل صغیر شمیم،قاضی انصر زمان ،راجہ وحید مراداور یاسین تبسم نے شرکت کی اجلا س میں سابق صدر کشمیر پریس کلب جاتلاں ممبر پریس فاؤنڈیشن چوہدری محمود احمد کے والد محترم ماسٹر محمد رشید کی وفات پر دلی رنج وغم کااظہار کرتے ہوئے مرحوم کیلئے دعائے مغفرت اور ورثاء کیلئے صبر وجمیل کی دعا کی ہے۔
بھمبر ( ڈسٹرکٹ رپورٹر) چنار فری ڈائیلاسز سنٹر بھمبرکے سرپرست اعلیٰ الحاج چوہدری محمد یونس کالچھوی فیملی کے ہمراہ عمرہ کی ادائیگی کیلئے برطانیہ سے سعودی عرب روانہ مانچسٹر ایئرپورٹ پر دوست احباب اور عزیز واقارب کی کثیر تعداد نے الوداع کیا اپنے دورہ سعودی عرب کے دوران کشمیری اور پاکستانی کمیونٹی سے ملاقاتیں بھی کرینگے۔
بھمبر( ڈسٹرکٹ رپورٹر)تحریک انصاف آزادکشمیر کے مرکزی راہنماؤں چوہدری عبدالرؤف کاشر ،صدر انجمن تاجراں بھمبرحاجی محمد عبداللہ نے اپنے مشترکہ تعزیتی بیان میں چوہدری مطلوب حسین صدر انجمن تاجران نتھیاٹاؤن میرپور اور ایس ایچ او چڑھوئی چوہدری منیر احمد کی والدہ محترمہ کے انتقال پر دلی رنج وغم کا اظہارکرتے ہوئے مرحومین کیلئے دعائے مغفرت اور ورثاء کیلئے صبروجمیل کی دعا کی ہے۔
مشرف، عمران، طاہرالقادری اور پیر پگارا ہم سے اتحاد کریں، امیر پٹی
سردار عباس سمیت چکوال کی کسی بھی سیاسی شخصیت سے کسی قسم کی کوئی مخالفت نہیں: یاسر سرفراز
