کراچی : انجمن طلبہ اسلام جامعہ کراچی کے ناظم عبداللہ نورانی نے کہا ہے کہ ہمارے لئے میلاد مصطفی صلی اللہ علیہ وآلہ وسلم کی اصل نظام مصطفی صلی اللہ علیہ وآلہ وسلم کا نفاذ ہے، وہ کیسا دل ہے جو ذکر مصطفی صلی اللہ علیہ وآلہ وسلم کے باوجود انسان کے دل میں چھپے نفاق، نفرت، غرور تکبر، اور فتنے و فساد کو نہ صاف کر سکے،ہمارے لئے یہ لمحہ قابل غور ہ فکر ہے کہ ہم اگر حضور کے ذکر کو عام کرنے کی بات کریں اور حضور اکرم صلی اللہ علیہ وآلہ وسلم کے کردار، سیرت، زندگی اور ان کے اسوہ کو نظر انداز کردیں، نوجوان طلبہ کے لئے ہمارا یہ فکر انگیز پیغام ہے کہ میلاد مصطفی صلی اللہ علیہ وآلہ وسلم کی اصل ہمارے لئے سال میں ایک بار محفل میلاد نہیں ہے بلکہ مقام مصطفی صلی اللہ علیہ وآلہ وسلم کے تحفظ، نظام مصطفی صلی اللہ علیہ وآلہ وسلم کے نفاذ، اور عقیدہ ختم نبوت صلی اللہ علیہ وآلہ وسلم کے تحفظ کی مسلسل جدوجہد ہے، انجمن طلبہ اسلام جامعہ کراچی شعبہ جغرافیہ کے زیر اہتمام تربیتی اجتماع بعنوان پیغام میلاد مصطفی صلی اللہ علیہ وآلہ وسلم سے خطاب کرتے ہوئے ناظم انجمن طلبہ اسلام جامعہ کراچی عبداللہ نورانی نے کہا کہ انجمن کا قافلہ کسی دور میں رکا نہیں ہے، ہمارے طلبہ جہد مسلسل کا حصہ ہیں۔
جامعہ کراچی کے شعبہ جغرافیہ میں تربیتی اجتماع بعنوان پیغام میلاد مصطفی صلی اللہ علیہ وآلہ وسلم سے خطاب کرتے ہوئے علامہ حافظ عمران مدنی نے کہا کہ انجمن طلبہ اسلام کی جانب سے جامعہ کراچی اور دیگر جامعات کے لئے خصوصی تربیتی نشستوں کا باقائدہ آغاز اس ماہ کے آخر ہفتے سے کیا جا رہا ہے ، ہم طلبہ کے لئے ایک ایسی تربیت گاہ بنا رہے ہیں جو انہیں جدید تعلیم کے ساتھ ساتھ دینی وثقافتی تربیت بھی دے سکے۔ تربیتی اجتماع کے اختتام پر کراچی ڈویژن کے ذمہ داران سے طلبہ کی خصوصی ملاقات کروائی گئی، اس تربیتی اجتماع میں جامعہ کراچی ، جامعہ این ای ڈی، جامعہ اردو، اور دیگر کالجز و جامعات کے طلبہ کے ساتھ ساتھ انجمن طلبہ اسلام کراچی ڈویژن نے خصوصی شرکت کی۔
متحدہ اورتحریک انصاف سرد جنگ کا خاتمہ قوم کیلئے نیک شگون ہے‘شہاب الدین حسینی
کراچی: اورنگی ٹاؤن میں واٹر ٹینکر کی ٹکر سے تین بچے جاں بحق
