وزیرآباد (تحصیل رپورٹر) ڈاکوئوں نے بزرگ شہری سے ہزاروں روپے کے بانڈز چھین لئے مزاحمت پر فائر کر کے شدید زخمی کر دیا۔ نواحی علاقہ اسلام آباد موڑ کے رہائشی68 سالہ امتیازاحمد بٹ ولد مشتاق احمد بٹ نماز جمعہ کی ادائیگی کے بعد اپنے گھر واپس جارہے تھے۔
گلی کرنل لاج محلہ شیخاں مشرقی کے قریب موٹر سائیکل سوار تین نامعلوم مسلح ڈاکوئوں نے انہیں گن پوائنٹ پر روک لیا اور جان سے مار دینے کی دھمکی دیکر 200 والے 50 ہزار روپے مالیت کے بانڈز چھین لئے مزاحمت پر ٹانگ پر فائر مار کر شدید زخمی کر دیا اور موقعہ سے فرار ہو گئے ڈاکوئوں کی عمریں 30 سے 35 سال بتائی جاتی ہیں۔
پولیس سرکل وزیرآباد میں چوری، ڈکیتی اور دیگر جرائم کی بڑھتی ہوئی وارداتوں سے شہری سخت خوف و ہراس کا شکار ہیں۔ شہریوں نے اعلیٰ پولیس افسران سے صورتحال میں بہتری لانے کا مطالبہ کیا ہے۔
پنجاب حکومت تعمیر و ترقی کے حوالہ سے اہم اقدامات اٹھا رہی ہے: شوکت منظور چیمہ
کامران عثمانی، الیاس اصغر کورنگی زون کے جنرل ورکرز اجلاس سے خطاب کر رہے ہیں
