تل ابیب (جیوڈیسک) اسرائیلی حکومت نے مشرقی القدس میں فلسطینیوں کے 20 ہزار مکانات منہدم کرنے کا فیصلہ کیا ہے۔
یروشلم سینٹر فار سوشل اینڈ اکنامک رائٹس کی طرف سے جاری بیان میں کہا گیا ہے کہ اسرائیلی حکام نے مشرقی القدس میں فلسطینیوں کے 20 ہزار مکانات کو شارٹ لسٹ کردیاہے جنھیں گرایا جائے گا، تنظیم کے ایک عہدیدار زیادہ موری نے بتایاکہ اسرائیلی حکام نے ان مکانات کو گرانے کے لیے یہ جواز ڈھونڈ نکالا ہے
مکانات اسرائیلی تعمیراتی لائسنس کے بغیر تعمیر کیے گئے۔ انھوں نے کہاکہ اسرائیل کی جانب سے مکانات کی تعمیر کے لیے لائسنس کی شرط ظالمانہ اقدام ہے جس کا مقصد فلسطینیوں کو سزا دینا ہے۔ دلچسپ امر یہ ہے کہ یہ شرائط یہودی آبادکاروں پرعائد نہیں۔
اسرائیلی میڈیانے 9فروری کو اطلاع دی تھی کہ حکومت نے یروشلم کے قریب4 مربع کلو میٹر علاقے کو قبضے میں لے لیاہے جس میں رہائشی منصوبہ شروع کیا جارہا ہے۔ واضح رہے کہ بین الاقوامی برادری یہودیوں کی آبادکاری کے ان منصوبوں پر تشویش کا اظہار کر چکی ہے۔
عزیر بلوچ کو ایک دو روز میں عدالت میں پیش کیے جانے کا امکان
افغانستان میں سیکیورٹی فورسز کے آپریشن میں 89 شدت پسند ہلاک
