کابل (جیوڈیسک) افغانستان کے صوبے قندھار کے پولیس اسٹیشن پر طالبان کے خودکش حملے میں 26 اہلکارہلاک جب کہ متعدد زخمی ہوگئے ہیں۔
قندھار کے پولیس چیف عبدالحکیم کے مطابق بھاری اسلحے سے لیس طالبان نے قندھار کے شہر پلی عالم کے پولیس اسٹیشن پر حملہ کردیا جب کہ اس دوران 2 خود کش حملہ آوروں نے خود کو دھماکے سے اڑا لیا جس کے نتیجے میں متعدد پولیس افسران سمیت 26 اہلکار ہلاک جب کہ متعدد زخمی ہوگئے۔ افغان حکام کا کہنا تھا کہ پولیس اور افغان فوج نے طالبان کے خلاف قندھاراور ہلمند میں بھر پور آپریشن کررہی ہے جس کے جواب میں طالبان نے یہ حملہ کیا۔
واضح رہے کہ نیٹو اور امریکی افواج کے افغانستان میں آپریشن کے خاتمے کے بعد افغان پولیس اور فوج نے طالبان کے گڑھ ہلمند اور قندھار میں بڑا آپریشن شروع کررکھا ہے جس کے جواب میں طالبان بھی سیکیورٹی فورسز پر حملے کر رہے ہیں جس میں افغان پولیس کوگزشتہ دنوں بھاری نقصان بھی اٹھانا پڑا۔
سعودی عرب میں فوجی ہیلی کاپٹر گر کر تباہ، 4 افراد ہلاک
یہودیوں کے قتل میں معاونت، 93 سالہ سابق نازی فوجی پر فرد جرم عائد
