کراچی (اسپورٹس رپورٹر) کالونی اسپورٹس فٹ بال کلب ملیر کے زیر اہتمام نیشنل بنک آف پاکستان کے تعاون سے کالونی اسپورٹس کمپلیکس پر جاری “آٹھواں آل پاکستان نیشنل بنک فٹ بال ٹورنامنٹ “میں گزشتہ روز دو پری کوارٹر فائنل میچوں کے فیصلے ہوگئے پہلے میچ میں ملیر اسٹار نے ایک سخت مقابلے کے بعد مظبوط حریف ینگ ملیر کو 1-0سے شکست دیدی کھیل کے دوران پہلے ہاف میں مقابلہ بغیر کسی گول کے برابر تھا دوسرے ہاف کے 52ویں منٹ میں ملیر اسٹار کے ذوہیب نے فیصلہ کن گول کرکے اپنی ٹیم کی کامیابی میں اہم کردار ادا کیا
جبکہ دوسرے میچ میں بلوچ محمڈن ملیر نے ٹورنامنٹ کی مظبوط حریف بلوچ اسٹار شرافی کو بھی 1-0سے ہرا کرکوارٹرا فائنل تک رسائی حاصل کرلی میچ کا فیصلہ کن گول بلوچ محمڈن ملیر کے کپتان احمد لال نے کیا جوکھیل کے اختتام تک برقرار رہا بلوچ اسٹار کی ٹیم کوئی خاص کھیل پیش نہ کرسکی ٹورنامنٹ میں کھیلے گئے ان میچوں میں ریفری کے فرائض نصیر عمر ،عمر بلوچ ،سراج الدین طالب اور خالد ممتاز جمی نے انجام دیئے میچ کمشنر منور خان اور میڈیا کوارڈینٹر شیر افضل تھے ۔
سبی پولیس کی کاروائی موٹرسائیکل چھننے والے ملزمان سمیت مفرور واشتہاری ملزم دھر لئے
کھوسہ کلب نے نیشنل اسٹار بیلہ کو شکست دیکر کوارٹر فائنل کھیلنے کا اعزاز حاصل کر لیا
