کراچی (اسپورٹس رپورٹر) ڈسٹرکٹ فٹ بال ایسوسی ایشن لسبیلہ کے زیر اہتمام نیشنل بنک کے اشتراک سے جام غلام قادر فٹ بال اسٹیڈیم لسبیلہ پر جاری “تیسری نیشنل بنک لسبیلہ انٹر فٹ بال چمپئن شپ “کے ساتویں پری کوارٹر فائنل مقابلے میں کھوسہ کلب نے مد مقابل نیشنل اسٹار کلب بیلہ کو 4-1سے شکست دیکر کوارٹر فائنل کے لئے کوالیفائی کرلیا۔
کھوسہ کلب کی جانب سے عنایت اللہ نے دو جبکہ محمد علی اور دین محمد نے ایک ایک گول اسکور کئے نیشنل اسٹار کلب بیلہ کا واحد گول ماجد نے کیا جبکہ کھیلے گئے آخری پری کوارٹر فائنل میں کھوسہ کون کلب نے شاد کلب بیلہ کو سڈن ڈیتھ پر شکست دیکر کوارٹر فائنل تک رسائی حاصل کرلی۔
دوران کھیل کوئی بھی ٹیم گول اسکور کرنے میں ناکام رہی ان میچوں میں ریفری کے فرائض نیشنل فٹ بال ریفری نذیر انجم نے اپنے معائونین ساتھیوں کریم بلوچ اور عبدالجبار کے ہمراہ سپراوئز کیا جبکہ میڈیا کوقارڈینٹر شیر افضل تھے۔
آل پاکستان نیشنل بنک فٹ بال ٹورنامنٹ میں ملیر اسٹار اور بلوچ محمڈن ملیر کا کوارٹر فائنل تک رسائی
وکلا کے احتجاج کی حمایت یا تائید نہیں کر سکتا، فیصل عرب
