ویلنگٹن (جیوڈیسک) ورلڈ کپ میں نیوزی لینڈ اورانگلینڈ کی ٹیموں کے درمیان کل ویلنگٹن میں مقابلہ شیڈول ہے۔ پول بی میں موجود نیوزی لینڈ اور انگلینڈ کی ٹیمیں کل ویلنگٹن کے ویسٹپیک سٹیڈیم میں مدمقابل ہوں گی۔ میچ پاکستانی وقت کے مطابق صبح چھ بجے شروع ہو گا۔
گروپ میچوں میں سری لنکا اور سکاٹ لینڈ کو زیر کرنے والی کیوی ٹیم بغیر کسی تبدیلی کے میدان میں اترے گی جبکہ آسٹریلیا کے ہاتھوں 111 رنز کی بدترین شکست کھانے والی انگلش ٹیم میں بھی کسی تبدیلی کاامکان نہیں۔
نیوزی لینڈ کی ٹیم ویلنگٹن کے گراؤنڈ پر ابھی تک گیارہ ایک روزہ میچوں میں نو میں فتحیاب ہو چکی ہے ، دوسری جانب انگلش ٹیم اسی میدان پر کھیلے گئے دونوں میچز میں ناکامی کا شکار ہوئی تھی ، اہم میچ میں ہوم فیورٹ ہیرو راس ٹیلر کو ون ڈے کرکٹ میں 5 ہزار رنز مکمل کرنے کے لیے صرف 64 رنز درکار ہیں۔
دونوں ٹیموں کے درمیان 17 ون ڈے میچز کھیلے گئے جس میں مقابلہ برابر ہی کا رہا ۔ یعنی چھ بار کیویز اور چھ ہی بار انگلش ٹیم کامیاب ہوئی، جبکہ پانچ میچز ڈرا رہے۔
بھارتی اسپنر ایشون پریکٹس کے دوران زخمی
ورلڈ کپ : ٹم سائوتھی کی تباہ کن بائولنگ، انگلینڈ کی ٹیم 123 پر آئوٹ
