کراچی (اسپورٹس رپورٹر)ڈسٹرکٹ فٹ بال ایسوسی ایشن لسبیلہ کے زیر اہتمام نیشنل بنک کے اشتراک سے جام غلام قادر اسٹیڈیم لسبیلہ پر جاری تیسری نیشنل بنک لسبیلہ انٹر کلب فٹ بال چمپئن شپ کے کوارٹر فائنل میں کھو سہ کمبائنڈ کلب بیلہ نے مضبوط حریف آسکانی آزاد کمبائنڈ کو 1-0سے شکست دیکر چمپئن شپ کے سیمی فائنل میں جگہ کنفرم کرلی کھیل کے پہلے ہاف میں مقابلہ بغیر کسی گول کے برابر رہا کھیل کے دوران دونوں ٹیموں نے وقفے قفے سے ایک دوسرے کے گول پوسٹ پر بھر پور حملے کئے لیکن کوئی بھی ٹیم گول اسکور کرنے میں ناکام رہی تاہم کھیل کے آخری لمحات میں کھوسہ کمبائنڈ کی جانب سے بلال احمد نے اپنی انفرادی کوشش سے گیند کو جال میں ڈال کر اپنی ٹیم کو سیمی فائنل تک پہنچا دیا
اسٹیڈیم میں موجود ہزاروں شائقین سے بھر پور داد وصول کی چمپئن شپ میں کھیلے گئے میچ میں ریفری کے فرائض عبدالجبار نے اپنے معائونین نبی وارث ،نذیر انجم اور کریم بلوچ کے ہمراہ انجام دیئے جبکہ میچ کمشنر اسلم ساگر اور میڈیا کوارڈینٹر شیر افضل تھے ۔ جاری کردہ ۔میڈیا کوارڈینٹر
بلوچ محمڈن نے شہباز گرین کو شکست دیکر کوارٹر فائنل میں جگہ بنا لی
آل سندھ بلوچستان محمد یونس میموریل فٹ بال ٹورنامنٹ
