بھمبر (ڈسٹرکٹ رپورٹر) پاکستان مسلم لیگ نون کی حکومت نے ملک کو ترقی اور خوشحالی کی اہ پر گامزن کر دیا ہے میاں نواز شریف ملکی ترقی اور خوشحالی کا عزم لیکر اقتدار میں آئے ہیں پیٹرولیم مصنوعات میں مرحلہ وار کمی کر کے عوام کو بھر پور ریلیف فراہم کیا ہے ان خیالات کا اظہار پاکستان مسلم لیگ نون یورپ کے جنرل سیکرٹری نعیم چوہدری آف لس نے کیا انہوں نے کہا کہ پیٹرولیم مصنوعات کی کمی سے مہنگائی کے خاتمے میں بڑی مدد ملے گی جس کا عوام کو برائے راست ریلیف ملے گا میاں نواز شریف محب وطن، سچے اور کھرے سیاستدان ہیں جنہوں نے ملک کو ماڈل اسٹیٹ بنانے کا تہیہ کر رکھا ہے اپنے اس ویژن کو پایہ تکمیل تک پہنچا کر دم لینگے انہوں نے کہا کہ مسئلہ کشمیر بھی نواز شریف کے دور حکومت میں حل ہو گا میاں نواز شریف نے اقوام متحدہ سمیت ہر فورم پر مسئلہ کشمیر کے اوپر جانبدار موقف اختیار کر کے بھارت کو پسپائی پر مجبور کر دیا ہے انہوں نے کہا کہ مضبوط اور مستحکم پاکستان ہی کشمیریوں کی آزادی کا ضامن ہے پاکستان جس قدر مضبوط اور مستحکم ہو گا کشمیر کو اتنی ہی جلدی آزادی نصیب ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) نامور کشمیر ی مصنف سعید اسد نے کشمیر کی اصل اور حقیقی تاریخ سے دنیا کو روشناس کروایا ہے حکومت آزاد کشمیر انکی خدمات کو سراہنے کی بجائے انکے خلاف کارروائی کر رہی ہے جو انتہائی قابل مذمت اور شرمناک فعل ہے پوری کشمیری قوم اس کی بھر پور خدمت کرتی ہے ان خیالات کا اظہار کشمیر فریڈم موومنٹ کے ،مرکزی جنرل سیکرٹری محمد شفیق کیانی نے کیا انہوں نے کہا کہ نامور کشمیری مصنف سعید اسد نے کشمیری عوام سمیت پوری دنیا کو ریاست جموں و کشمیر کی اصل تاریخ سے روشناس کروایا ہے ریاست جموں و کشمیر کی جغرافیائی سرحدوں کے حوالے اصل نقشہ منظر عام پرلایا ہے سعید اسد جیسے مصنف کشمیری قوم کا قیمتی اثاثہ ہیں جن کی کاوشوں کا نتیجہ ہے کہ نئی نسل اپنی ریاستی تاریخ اور جغرافیہ سے متعلق تمام معلومات آسانی سے حاصل کر رہے ہیں موصوف کے خلاف حکومتی کارروائی سے ثابت ہو گیا ہے کہ آزاد کشمیر کے حکمران مقبوضہ کشمیر کے حکمرانوں کی طرح کٹھ پتلی ہیں انہوں نے کہا کہ پوری کشمیری قوم سعید اسد کے خلاف ہونیوالی حکومتی کارروائی کی بھر پور مذمت کرتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر) ایڈمنسٹریٹر بلدیہ بھمبر راجہ شاہد انور نے کشمیر ٹائون کی روڈ کا افتتاح کر دیا افتتاح کے موقع پر شہریوں کی بڑی تعداد موجود تھی تفصیلات کے مطابق ایڈمنسٹریٹر بلدیہ بھمبر راجہ شاہد انور نے بلدیہ بھمبر کے زیر اہتمام کشمیر ٹائون کی روڈ کی تعمیر مکمل ہونے پر گذشتہ روز اپنے دست مبارک سے روڈ کا افتتاح کیا افتتاح کے موقع پر شہریوں اور صحافیوں کی بڑی تعداد موجود تھی افتتاح کے بعد خصوصی دعا بھی کروائی گئی اس موقع پر ایڈمنسٹریٹر راجہ شاہد انور نے کہا کہ بلدیہ بھمبر کے فنڈز ایمانداری کے ساتھ بھمبر کی ڈویلپمنٹ اور خوبصورتی پر خرچ کرونگا بلا تفریق تعمیر و ترقی ہو گی جگہوں کی پختہ تعمیر کے ساتھ صفائی اور ستھرائی پر خصوصی توجہ دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹرکٹ رپورٹر) برنالہ کی یوتھ عبدالمالک اعوان کے ساتھ چٹان کی طرح کھڑی ہے تحریک انصاف کی قیادت کے مشکور ہیں جنہوں نے عبدالمالک اعوان پر اعتماد کر کے برنالہ میں جماعت کی مضبوطی کیلئے اہم رول ادا کیا آزاد کشمیر میں بیرسٹر سلطان محمود چوہدری کی قیادت میں تبدیلی آئیگی آزاد کشمیر میں مجاور ٹولہ بہت جلد انجام کو پہنچ کر ماضی کا حصہ بن جائیگا ملک عبدالمالک اعوان حلقہ برنالہ کی آواز بن چکے آمدہ الیکشن میں بھاری اکثریت سے کامیاب ہونگے ان خیالات کا اظہار تحریک انصاف یوتھ یونین کونسل ملوٹ کے صدر ملک وسیم اعوان اور ملک افتخار سدوال نے میڈیا نمائندگان سے بات چیت کے دوران کیا انہوں نے کہا کہ ملک عبدالمالک اعوان کا تحریک انصاف میں شامل ہونا برنالہ میں تبدیلی کے آغاز کا اشارہ ہے ہم ملک عبدالمالک اعوان کو تحریک انصاف میں شامل ہونے پر مبارکباد پیش کرتے ہیں اور قائد تحریک انصاف پاکستان عمران خان اور قائد کشمیر بیرسٹر سلطان محمود چوہدری کے بھی شکر گذار ہیں جنہوں نے عبدالمالک اعوان جیسے نڈر ، ایماندار اور مخلص شخص پر اعتماد کا اظہار کیا انہوں نے کہا کہ حلقہ برنالہ کی یوتھ ملک عبدالمالک اعوان کے ساتھ ہے اور آمدہ الیکشن میں ان کی کامیابی کیلئے بھر پور رکردار ادا کرے گی اور 2016 کے الیکشن میں عبدالمالک اعوان کی قیادت میں فتح کے جھنڈے گاڑ کر لیگیوں اور مجاوروں کے ٹولوں کا ان کی اوقات یاد دلا دینگے۔
نیشنل شاہین نے ینگ پی آئی بی کو شکست دیکر سیمی فائنل میں پہنچ گئی
بھمبر کی خبریں 24/02/2015
